Psalms 145:5 - Keley-i Bible (Antipolo Ifugao)

^5-6 Peennamtak hu kasina-gey mu niya nenemnemen kudda kaketngain tuun impahpahding mu. Anin idallin tutu-u et ene-ehhelen da damadda humman idan impahding mu.

Psalms 145:5 Referans Kwoze

Isaiah 12:4

Yan nunman alin aggew ey kanyulliy “Pansalamat itsun Apu Dios! Pandasal itsun hi-gatu. Ehel tayun emin ni tutu-u hu impahding tu! Ey i-hel tayu hu kasina-gey tu!

Psalms 119:27

Baddangi muwak ma-lat awatan kudda hu keibbellinan idan tugun mu et nemnemnemen kudda hu impenahding mun kaketngain tuu.

Daniel 4:37

Et humman hu, hi-gak e hi Nebukadnessar, ey nakka kulluga law niya nakka daydayawa etan Patul di kabunyan. Neiptek numan niya limpiyuh ni emin hu tuka pehding niya kabaelan tun pebabah ida tuun kamampahhiya.”

Psalms 105:2

Iena-appeh tayu hu dayaw tu niyadda etan kaketngain tuun impahpahding tu.

Psalms 72:18

Daydayaw tayu hi Apu Dios e Dios idan helag Israel. Ebuh tun kamengippahding ni kaketngain tuu.

Psalms 71:24

Ey ia-aggew kun menge-ehhel ni kakinayyaggud mu, tep neapput ida humman ni tuun ihik ni memettey ni hi-gak et mabeingan ida.

Psalms 96:3

Ey peamta tayun katuutuud kebebbebley hu dayaw tu niyadda etan tuka pehpehding ni kaketngain tuu.

Genesis 24:63

Yan nunman ni mahmahdem ey an nandaddallan hi Isaac ey inang-ang tudda kamel ni iyyalli.

Deuteronomy 32:3

Iddaydayaw ku ngadan Apu Dios et ya kasina-gay tu.

1 Chronicles 16:9

Iena-appeh tayu hu dayaw tu niyadda etan kaketngain tuun impahpahding tu.

Psalms 111:3

Humman idan tuka pehpehding hu kakei-ang-angin dayaw tu niya kasina-gey tu. Ey kamannananeng ni ingganah hu kakinayyaggud tu.