Psalms 138:1 - Keley-i Bible (Antipolo Ifugao)

¹ Apu Dios, nakka mansalamat ni hi-gam di puhuk niyad nemnem ku. Ey ia-appeh ku hu penaydayaw kun hi-gam di hinanggaddan edum ni dios.

Psalms 138:1 Referans Kwoze

Psalms 111:1

Daydayaw tayu hi Apu Dios! Mansalamattak nan Apu Dios di kakeemmungiddan tutu-u tun kamekangngu-unnud ni hi-gatu.

Psalms 95:3

Tep hi-gatu hu Apu Dios ni kabaelan tun mengippahding ni emin niya hi-gatu hu keta-ta-geyyan ni Patul idan emin ni dios.

1 Corinthians 14:15

Et humman hu, ya ew hu kayyaggud ni pehding tayu, ey mandasal itsud kaittudun ispirituh tayu, ey mandasal itsud ehel ni kameewwasi. Hanniman dama pehding tayu hedin man-a-appeh itsu.

Psalms 119:46

Eleggak umbaing ni an mengippeennamtaddan papatul ni tugun mu.

Psalms 96:4

Hi Apu Dios ey eta-gey ni peteg. Hi-gatu hu lebbeng tun daydayawen tayu e beken ni yadda etan linggeman ni dios.

Psalms 82:6

Kangkun nunman ey “Emin kayu ey dios kayu. Ey u-ungnga dakeyun hi-gak e Keta-ta-geyyan.

Psalms 82:1

Hi Apu Dios hu kamenuwet idan kameingngadnin “dios.”

Psalms 9:1

Apu Dios, daydayawen dakan hi-gak di puhuk niyad nemnem ku. Ey peennamtak di emin hu kakinayyaggud ni impahding mu.

Hebrews 1:14

Tep yadda anghel ey ispirituh ida e lintuddan Apu Dios ni bega-en tun ebuh. Yadda etan kapanhellaknibin Apu Dios di liwat da ma-lat mekihha-ad idan hi-gatu ey humman ida tuka pemeggain anghel ni memaddang ni hi-gada.

Ephesians 5:19

Ya kayyaggud kumaddan ni pehding yu ey ia-appeh yudda hu Psalms niyadda edum ni a-appeh idan kamengullug ni pandeyyaw yun Apu Dios. Ey pannananeng yun hi-gatu daydayawen yud a-appeh yud nemnem yu.

Acts 23:5

Hinumang Paul et kantuy “Kaegiegi, eggak amta e hi-gatu hu Eta-gey ni Padi. Gullat ni inamtak et eggak ihanniman nenumang ku, tep neitudek di ehel Apu Dios e kanuty ‘Eleg e-hela hu lawah ni ap-apu.’”

Exodus 22:28

Entan tu pihul ey beken ni lawah hu yu e-helen idan neputuk ni mengipappangngulun hi-gayu.

Psalms 9:2

Nakka man-am-amleng gapuh ni hi-gam, et nakka ia-appeh hu nakka penaydayaw ni hi-gam e Apun Keta-ta-geyyan.

Psalms 57:9

Mansalamattak ni hi-gam e Apu Dios niya ia-appeh ku hu penaydayaw kun hi-gam di hinanggaddan katuutuud kebebbebley.