Psalms 126:1 - Keley-i Bible (Antipolo Ifugao)

¹ Yan eman ni nengibangngadan Apu Dios ni hi-gatsud Jerusalem ey heni i-innep ni ebuh.

Psalms 126:1 Referans Kwoze

Hosea 6:11

Hi-gayu daman iJudah ey wada gintud kun aggew ni pengastiguan kun hi-gayu tep yadda lawah ni yuka pehpehding, anin ni pinhed kun peteg ni bendisyonan dakeyun tutu-uk.”

Joel 3:1

Immehel mewan hi Apu Dios ey kantuy “Medettengan ali aggew ni pengibbangngadan kun kinedangyan ni Judah niya Jerusalem.

Psalms 85:1

Apu Dios, binendisyonam hu bebley mud Israel et kumedangyan ida mewan hu tutu-um ni helag Israel.

Acts 12:9

Et makilaw hi Peter etan ni anghel et umhep idad kallabbuttan. Nem kantu ngu nem i-innep tun ebuh.

Psalms 120:1

Nakka meligligasi et mampehemmehemmekkak nan Apu Dios di dasal ku ey dingngel tu dasal ku.

Psalms 123:1

Apu Dios e Ap-apud kabunyan, hi-gam nakka tengngawan pambeggaan ni baddang.

Psalms 53:6

Nakka iddasadasal e hakey alin aggew ey wada melpud Zion ni mengihwang ni hi-gatsun helag Israel di buhul tayu. Yan nunman alin aggew ey man-am-amleng itsun peteg, tep peyaggud daitsun Apu Dios.

Psalms 125:1

Yadda tutu-un kamengiddinnel nan Apu Dios ey eleg ida meapput, tep henidda Duntug e Zion e eleg meglid, nem mannananeng alin ingganah.

Psalms 124:1

Mahapul ni ebbuluten tayun helag Israel e gullat ni eleg daitsu baddangan Apu Dios eman ni nengubatan daitsuddan buhul tayu, et nanna-ud ni pintey daitsun emin. Tep nemahhig hu bunget dan hi-gatsu,

Job 42:10

Negibbuh ni indasalan Job ida gayyum tu ey imbangngad Apu Dios emin hu kinedangyan tu ey induman tu pay et mandubli.

Psalms 122:1

Immamlengngak ni nanghelan dan hi-gak e kanday “Elaw itsud baley nan Apu Dios.”

Psalms 121:1

Intangaw kuddad duntug ey kangkuy “Attu na-mu kelpuan ni umbaddang ni hi-gak?”

Luke 24:41

Ma-nut immamleng ida tuun neamung, nem ida kamandinwa hedin makulug ni netagwan hi Jesus. Et kan Jesus ni hi-gaday “Kaw wada kennen?”

Job 9:16

Anin ni kantu et i-abulut tun um-ehellak ey amtak damengu e eleg tu dedngela e-helen ku.

Luke 24:11

Nem yadda etan disipol ey eleg da kulluga humman ni indaddatteng idan nunman ni bibi-i, tep kan da nem beken ni makulug.

Deuteronomy 30:3

ey hehmeken dakeyun Apu Dios e Dios yu, et dakeyulli ewwiten idad bebley ni nengiwehitan tun hi-gayu, et ibangngad dakeyud bebley ni nalpuan yu, et peyaggud dakeyu mewan ni hi-gatu.

Psalms 14:7

Nakka iddasadasal e hakey alin aggew ey wada melpud Zion ni mengihwang ni hi-gatsun helag Israel di buhul tayu. Yan nunman alin aggew ey man-am-amleng itsun peteg, tep peyaggud daitsun Apu Dios.

Psalms 85:2

Pinesinsahan mu hu hipan nambahulan idan tutu-um niyadda hipan lawah ni impahding da.

Jeremiah 29:14

Nanna-ud ni hemmaken yuwak et ibangngad dakeyud bebley yu. Emmungen dakeyulli e illapu dakeyuddallid etan idad bebley ni nengiwehitan kun hi-gayu et ibangngad dakeyud bebley yu. Hi-gak e Dios hu nanghel nunya.”

Jeremiah 33:26

Hanniman dama e pannenneng ku hu nekitbalan kun hi-gadan helag Jacob. Ey eggak ida iwwalleng hu helag Abraham, hi Isaac et hi Jacob niya eggak kekyaten hu impakulug kun yalli helag David e bega-en ku hu mampatul ni hi-gadan ingganah. Hehmeken kuddalli et ibangngad kuddallid bebley da.’”