Psalms 124:8 - Keley-i Bible (Antipolo Ifugao)

⁸ Hi Apu Dios e nanletun puyek niya kabunyan hu kamemaddang ni hi-gatsu.

Psalms 124:8 Referans Kwoze

Psalms 121:2

Nem inamtak e hi Apu Dios, e nanletun puyek niya kabunyan, hu kaumbaddang ni hi-gak.

Acts 4:24

Dingngel da humman ni inhel di Peter nan John et mandasal idan emin nan Apu Dios. Kandad dasal day “Apu Dios e Keta-ta-geyyan, hi-gam hu nengapyan puyek et ya kabunyan niya baybay niyaddan emin hu hipan wadadman.

Jeremiah 32:17

Kangkud dasal kuy “Apu Dios e Eta-gey ni peteg, lintum eya puyek niya kabunyan gapuh ni et-eteng ni kabaelan mu. Endi neligat ni hi-gam tep kabaelan mun emin.

Psalms 134:3

Ya dasal ku ey hi Apu Dios di Zion e nanletun puyek niya kabunyan hu memendisyon ni hi-gayun emin.

Psalms 115:15

Em, ya kayyaggud ey bendisyonan daitsun Apu Dios e nanletun puyek niya kabunyan.

Genesis 1:1

Yan laputu ey lintun Apu Dios hu kabunyan niya puyek.

Nehemiah 9:6

Apu Dios, hi-gam ni ebuh Ap-Apu. Hi-gam nanletun kabunyan ey emin hu wadadman. Hi-gam mewan nanletun puyek, ya baybay et ya emin hu hipan wadadman. Indawat mu biyag emin ni mategu ey emin ida anghel di kabunyan ey daka kadaydayawa.

Psalms 20:8

Humman idan tuun eleg mengiddinnel ni hi-gatu ey hedin neapput ida, man humman hu pappeg tun hi-gada. Nem hedin hi-gatsu, man mengapput itsu tep ya baddang tu.