Psalms 124:1 - Keley-i Bible (Antipolo Ifugao)

^1-3 Mahapul ni ebbuluten tayun helag Israel e gullat ni eleg daitsu baddangan Apu Dios eman ni nengubatan daitsuddan buhul tayu, et nanna-ud ni pintey daitsun emin. Tep nemahhig hu bunget dan hi-gatsu,

Psalms 124:1 Referans Kwoze

Romans 8:31

Et hedin tep hanniman e hi Apu Dios hu kantuun hi-gatsu, endi tep law hu mabalin ni mengapput ni hi-gatsu.

Psalms 56:9

Apu Dios, nakka medinnel e yan pampebaddangan kun hi-gam ey baddangan muwak et umhunay ida buhul ku, et humman pengi-immatunan kun muwak kabaddangi.

Psalms 54:4

Hi-gam e Apu Dios, hu kaumbaddang ni hi-gak niya hi-gam hu Apuk ni kamengi-ehneng ni hi-gak.

Psalms 120:1

Nakka meligligasi et mampehemmehemmekkak nan Apu Dios di dasal ku ey dingngel tu dasal ku.

Psalms 94:17

Tep gullat ni eleg tuwak baddangan nan Apu Dios et nanna-ud ni neteyyak.

Psalms 121:1

Intangaw kuddad duntug ey kangkuy “Attu na-mu kelpuan ni umbaddang ni hi-gak?”

Psalms 125:1

Yadda tutu-un kamengiddinnel nan Apu Dios ey eleg ida meapput, tep henidda Duntug e Zion e eleg meglid, nem mannananeng alin ingganah.

Psalms 46:7

Hi Apu Dios e Kabaelan tun emin niya Dios la daman eman nan hi Jacob ey wadan hi-gatsu niya hi-gatu hu tayu kakeihhikkugi.

Psalms 27:1

Hi Apu Dios hu kamei-ellig ni dilag ku. Hi-gatu hu kamenellaknib niya kamengippaptek ni hi-gak, et humman hu, endi nak tekkutan.

Psalms 127:1

Hedin eleg umbaddang hi Apu Dios ni memehwat ni hakey ni baley, ey endi silbin nea-atuan ni nengapya. Hanniman dama hu bebley e hedin eleg ippaptek nan Apu Dios, ey endi silbi tun an pengugguwalyaan ni nunman ni bebley.

Psalms 129:1

Hi-gatsun helag Israel ey ene-ehhel tayu hu nanlelehhanan tayun impahpahding idan buhul tayun hi-gatsu, meippalpu eman ni keu-ungnga tayu.

Psalms 130:1

Apu Dios, dengel mu anhan hu dasal ku tep iyyadyan nemahhig ni kamemunnumunnu hu nemnem ku.

Psalms 128:1

Um-amleng etan tuun kamekangngu-unnud ni tugun nan Apu Dios.

Psalms 133:1

Makulug ni kakkayyaggud niya kamengippeamleng hedin kaman-uunnud ida hu kamengullug nan Apu Dios.

Psalms 126:1

Yan eman ni nengibangngadan Apu Dios ni hi-gatsud Jerusalem ey heni i-innep ni ebuh.

Exodus 15:1

Et gapuh ni nunman ni nengihwangan Apu Dios ni hi-gada ey impappangngulun Moses ida edum tun helag Israel et man-a-appeh. Kandad a-appeh day “Ia-appehan ku hi Apu Dios tep naka-apput tudda buhul tu e imbeng tud baybay etan ida kebayyu et yadda nantakkay.

Psalms 132:1

Apu Dios, entan anhan tu liwwan hi David niyadda etan hinelheltap tu.

Psalms 123:1

Apu Dios e Ap-apud kabunyan, hi-gam nakka tengngawan pambeggaan ni baddang.

Psalms 122:1

Immamlengngak ni nanghelan dan hi-gak e kanday “Elaw itsud baley nan Apu Dios.”

Psalms 46:11

Hi Apu Dios e Kabaelan tun emin niya Dios la daman eman nan hi Jacob ey wadan hi-gatsu niya hi-gatu hu tayu kakeihhikkugi.

Psalms 134:1

Daydayaw tayu hi Apu Dios! Em, emin kayuddan bega-en tun kamangguwalyan hileng di Tempol tu, ey daydayaw yu hi Apu Dios!

Psalms 131:1

Apu Dios, eleggak mampahhiya et mukun eggak gamgamidda hu eta-gey ni saad niya eggak patnain ippahding ida hu hipan eggak han-awat.

Genesis 31:42

Gullat na-mun eleg tuwak baddangan ni Dios nan apu hi Abraham et hi amak e hi Isaac et intu-dak muwak ni endin hekey hu indawat mun hi-gak. Nem kayyaggud et inang-ang Apu Dios hu lawah ni impahpahding mun hi-gak niya ligat ni ngunuk, et mampeang-ang ni hi-gam ni nahdem et ibunget daka.”

Psalms 56:10

Et mukun nakka daydayawa hu impakulug mu e Apu, tep eleg mu kekyata hu impakulug mu.