Psalms 119:73 - Keley-i Bible (Antipolo Ifugao)

⁷³ Hi-gam hu namyuh ni hi-gak. Et humman hu, baddangi muwak ni mengewwat idan tugun mu ma-lat humman ida u-unnuden ku.

Psalms 119:73 Referans Kwoze

Psalms 138:8

Apu Dios, hi-gam hu kamengippeamnun emin ni pinhed mun meippahding ni hi-gak, tep kamannananeng hu impeminhed mu. Et humman hu, entan anhan tuwak iwalleng, tep hi-gam hu nanletun hi-gak.

Job 31:15

Hi Apu Dios hu nanletun hi-gak niya hi-gatu dama hu nanletuddan bega-en ku.

2 Timothy 2:7

Nemnem mudda huyyan intugun kun hi-gam et baddangan dakan Apu Dios ni mengewwat idan nunya.

Psalms 119:125

Bega-en muwak e Apu, et humman hu, baddangi muwak anhan ma-lat awatan kudda hu muka ituttuddu.

Psalms 111:10

Ya kapengu-unnudin Apu Dios hu kakenemnemi. Ey emin ida hu kamengu-unnud ni tugun tu ey inamta da hu kayyaggud ni pehding da. Hi-gatu hu lebbeng tun daydayawen tayun ingganah!

Job 32:8

Nem inamtak law e ya dedan hu Ispirituh Apu Dios hu kamengidwat ni nemnem niya kalinaing ni tuu.

1 John 5:20

Ey inamta tayu e immali hi Jesus Christo e U-ungngan Apu Dios, et idwat tun hi-gatsu hu tayu kapengewwat ma-lat amtaen tayu hu makulug ni Dios. Ey wada law nehammad ni neiegian tayun Apu Dios tep neibilang itsun agin U-ungnga tu e hi Jesus Christo. Tep hedin hi Jesus, man makulug daman Dios. Ey hi-gatu hu kamengidwat ni biyag ni endi pappeg tu.

Psalms 119:34

Baddangi muwak ma-lat paka-awatan kudda humman ni tugun mu, et pehebballik ni mengu-unnud ni emin idan nunman.

Psalms 100:3

Abulut tayu e hi-gatu e Ap-Apu hu Dios. Hi-gatu hu namyuh ni hi-gatsu niya hi-gatu hu kantuun hi-gatsu. Heni itsu kalneroh ni tuka ipappattul.

James 3:18

Ya pambalinan ni kapehding ni tuun tuka ilillingisi ma-lat melinggep hu biyag ni edum tun tuu ey ya kayyaggud ni pandadagyuman da. Ya kei-elligan tu huyya ey kayyaggud hu ineni tu tep kayyuggud hu intanem tun bukel.

Psalms 119:169

Apu Dios, dengel mu anhan eya nakka pampehemmehemmekin hi-gam et ihwang muwak niya baddangi muwak ni mengewwat ni tugun mu, tep humman dedan hu inhel mun pehding mu.

2 Chronicles 2:12

Medaydayaw hi Ap-Apu e Dios idan helag Israel ni nengapyan kabunyan niya puyek e nengidwat nan David ni nekallaing ni u-ungnga tun dakel amta tu. Et yan nunya ey pinhed tun memehwat ni Tempol ni Ap-Apu niya palasyo ni pambelleyan tu.

Psalms 119:144

Limpiyuh ni emin hu tugun mu. Et humman hu, baddangi muwak anhan ni mengewwat idan nunman ma-lat wada inna-nuk ni mekibi-biyag.

1 Chronicles 22:12

Ey nakka iddasal e iddawtan dakan Apu Dios e Dios mu, ni laing mu niya kabaelan mun man-ap-apudya Israel meippuun di Tugun tu.

Psalms 95:6

Emin itsu ey panyuung itsu niya pandukkun itsun menaydayaw nan Apu Dios e namyuh ni hi-gatsu.