Psalms 119:72 - Keley-i Bible (Antipolo Ifugao)

⁷² Nebalbalol ni hi-gak hu tugun mu nem ya kalibulibun balituk niya silber.

Psalms 119:72 Referans Kwoze

Psalms 19:10

Humman idan tugun tu ey nebalbalol nem ya nemahmah ni balituk. Et humman hu gullat ni i-ingngeh di putsukan et melullummi-ih.

Psalms 119:127

Pinpinhed kun peteg hu tugun mu nem ya nemahmah ni balituk.

Proverbs 16:16

I-imman hu nelaing ita niya nenemneman ita nem ya dakel pihhuh.

Psalms 119:162

Nakka man-am-amleng e heni-ak etan ni tuun himmamak ni balituk, tep yadda inhel mun panyaggudan ku.

Proverbs 8:19

Nebalbalol hu hipan nakka iddawat ni tuu nem ya nemahmah ni balituk winu nenginan silber.

Psalms 119:111

Nakka ibbilang ida tugun mun nebalol ni tenged kun mannananeng ni ingganah, tep humman ida kamengippeamleng ni hi-gak.

Psalms 119:14

E-etteng hu amleng kun mengu-unnud idan tugun mu nem ya umkedangyan.

Psalms 19:11

Ya tugun mu e Apu Dios hu kamengittuddun hi-gak, e bega-en mun kayyaggud ni pehding ku, et emin hu tuka pambalini ey nakka panyaggudi.

Proverbs 3:13

Kabendisyonin Apu Dios hu tuun pinhed tun menemneman niya pinhed tun mewedda tuka pan-ewwat.

Ecclesiastes 7:11

Ya laing ey heni daman kinedangyan, ya kakulugan tu ey kekkeddukdul hu laing.