Psalms 119:29 - Keley-i Bible (Antipolo Ifugao)

²⁹ Baddangi muwak ma-lat beken ni yadda etan panlawahan hu nak ippahding. Ey peang-ang mu hu binabbal mun hi-gak et ituttuddum hu tugun mun pinhed mun u-unnuden ku.

Psalms 119:29 Referans Kwoze

1 John 2:4

Ya tuun kantuy kamengullug nan hi Apu Dios, nem eleg tu u-unnuda hu tugun tu, ey maitek niya tuka kehhinga hu makulug ni kameituttuddu.

1 John 1:8

Nem hedin kan tayuy endi liwat tayu, man humman keamtaan tun endi hu makulug ni kakinayyaggud di nemnem tayu, tep itsu kamehe-ul.

Proverbs 30:8

Ya memengngulu ey entan anhan tu iebulut ni nak manlangkak. Ya meikkadwa ey entan anhan tu iebulut ni nak mewetwet winu nak umkedangyan. Nem idwat mu mahapul kun kewa-wa-wa.

Psalms 119:37

Baddangi muwak ma-lat beken ni yadda etan endi silbitu hu nak gagamgaman. Peyaggud muwak anhan tep humman dedan hu inhel mun pehding mu.

Revelation 22:15

Nem yadda etan tuun mangkaheul, yadda maeyak, yadda kamengi-ullig ni beken da ahwa, yadda mapetey, yadda etan daka daydayawa hu beken ni makulug ni dios, yadda mangkaitek niyadda etan kamengippenahding ni linggeman ni lawah ey eleg ida mekihha-ad etan di bebley.

Jonah 2:8

Yadda nengiwalleng ni hi-gam niyadda etan beken ni makulug ni dios hu daka daydayawa ey daka dedkuga hu binabbal mu.

Jeremiah 16:19

Apu Dios, e kamengippaptek ni hi-gak, kamengidwat ni elet ku niya kamemaddang ni hi-gak ni tsimpuh ni ligat ku, um-aliddalli tutu-un melpud edum ni bebley di nangginillig eyad puyek et kandan hi-gam ey “Dinaydayaw ida lan aammed mi hu dios ni endi silbi tun kinapyan tuu.

Isaiah 44:20

Endi tunung tu humman ni daka pehpehding. Iningngeh tu hu ida kamengngan humman ni tutu-un dep-ul, tep ida kamandinnel di endi kabaelan tun umbaddang. Ey endin hekey hu kandad nemnem day “Kaw dios makkaw ngu eya tayu katettengngedan keyew?”

Psalms 119:163

Anggebe-hel kun peteg hu hipan itek, nem pinhed kun u-unnuden hu tugun mu.

Psalms 119:104

Nenemnemannak law tep ya nakka pengu-unnudin tugun mu. Et humman hu, anggebe-hel kudda law hu lawah ni elaw.

Psalms 119:5

Ya ngu pinhed ku ey pannananeng kun enu-unnuden humman idan tugun mu ma-lat endilli nak kebe-ingan.

Psalms 119:128

Inamtak e kakkayyaggud ni emin hu tugun mu. Et humman hu, anggebe-hel kudda hu lawah ni elaw.