Psalms 119:140 - Keley-i Bible (Antipolo Ifugao)

¹⁴⁰ Muka peamnun emin hu impakulug mu, et mukun nakappinhed kuddan emin.

Psalms 119:140 Referans Kwoze

Proverbs 30:5

Kaum-amnun emin hu kae-helan Apu Dios. Hi-gatu heni happiyaw idan kamengiddinnel ni meihikkug ni hi-gatu.

Psalms 19:8

Emin hu tugun Apu Dios ey neiptek. Ida kaum-amleng hu kamengu-unnud idan nunman ni tugun tu. Limpiyuh ida humman ni tugun tu ey tuka e-dumi hu kapan-ewwat.

Psalms 12:6

Emin hu muka e-helan pehding mu e Apu Dios ey kaum-amnu, et mukun endi dewadewad hipan muka e-hela. Kamei-ellig etan di silver e hedin ineyug ni nangkappitu, man nemahmah law hu kametdai.

2 Peter 1:21

niya beken ni gapu tep humman pinhed dan peamta, tep ya Ispirituh Apu Dios hu nengipeamtan hi-gada et han da peamtaddan tutu-u.

Romans 7:22

Tep ma-nut yad nemnem ku ey nakka ebbuluta e kakkayyaggud hu Tugun Apu Dios,

Romans 7:12

Nem anin ni hanniman hu elaw nunyan Tugun, et nanengtun kakkayyaggud tep kayyaggud niya neiptek hu tuka ituttuddu, tep nalpun Apu Dios.

1 Peter 2:2

Hapul yu hu impatudek Apu Dios ni ehel tu henin kapeneppulin pakeungngan gelang ni tuka innuma ma-lat maihammad hu yuka pengullug nan Jesus e kamenellaknib ni hi-gatsun neliwtan.

Psalms 119:128

Inamtak e kakkayyaggud ni emin hu tugun mu. Et humman hu, anggebe-hel kudda hu lawah ni elaw.

Psalms 18:30

Em, Apu Dios, makulug ni kayaggud ni emin hu muka pehding! Ey kameiddinnel ni emin hu muka e-hela. Heni ka happiyaw idan kamengiddinnel ni hi-gam, tep mudda kahenniid hipan lawah ni meippahding ni hi-gada.

Romans 7:16

Et gapuh tep hanniman e eggak pinhed ida etan lawah ni nakka pehpehding ey humman keang-angan tu e nakka ebbulutan kayyaggud hu Tugun.

Psalms 12:7

Nem anin ni attun bebley et dakel ida hu tuun ebuh hu lawah ni pinpinhed dan pehpehding ey katettebaladdan edum dan tuu. Et humman hu, ipaptek dakemi anhan ni tuum ni kamengu-unnud ni hi-gam e Apu Dios ma-lat meihwang kamin ingganah di hipan lawah ni daka pehpehding.

Psalms 119:47

Tep pinpinhed kudda hu tugun mu, et humman hu, nakka um-amleng ni mengu-unnud ni hipan muka ittugun.