Psalms 119:100 - Keley-i Bible (Antipolo Ifugao)

¹⁰⁰ Nenemnemnemannak nem yadda nangkea-amma tep ya nakka pengu-unnudin tugun mu.

Psalms 119:100 Referans Kwoze

James 3:13

Hedin makulug ni nelaing kayu niya nenemneman kayu ey mahapul ni pebabah yu annel yu niya ipahding yu kayyaggud, tep henin nunman hu elaw ni tuun nenemneman.

Psalms 111:10

Ya kapengu-unnudin Apu Dios hu kakenemnemi. Ey emin ida hu kamengu-unnud ni tugun tu ey inamta da hu kayyaggud ni pehding da. Hi-gatu hu lebbeng tun daydayawen tayun ingganah!

Job 28:28

Et kan Apu Dios idan tuuy ‘Ya kapengu-unnudin hi-gak hu ustuh ni kalinaing. Ey ya kapengissikedin mengippahding ni lawah hu keweddaan ni ustuh ni kapan-ewwat.’”

Job 12:12

Ya nea-amman tuu ey nenemneman niya nelaing tep andukkey hu nambiyagan tu.

Matthew 7:24

Ya tuun kamengngel ni hi-gak et ipahding tu nakka e-hela ey kamei-ellig etan di tuun nelaing ni nengapyan baley tu, tep imbehwat tud batu.

Job 32:4

Hi-gatu hu keu-ungnga-an ni hi-gadan emin, et humman hu, hingged tu et megibbuh idan immehel.

Psalms 119:34

Baddangi muwak ma-lat paka-awatan kudda humman ni tugun mu, et pehebballik ni mengu-unnud ni emin idan nunman.