Psalms 116:4 - Keley-i Bible (Antipolo Ifugao)

⁴ nem nandasallak nan Apu Dios et kangkuy “Ihwang muwak anhan e Apu Dios!”

Psalms 116:4 Referans Kwoze

Psalms 118:5

Yan eman ni kamemunnumunnu hu nemnem ku et mandasallak nan Apu Dios ey dingngel tu dasal ku et baddangan tuwak.

Psalms 22:20

Ihwang muwak et eleg da-ak pateyen idan tutu-un heni mabunget ni ahhu.

Luke 18:13

Ya dama etan kaman-emmung ni buwis ey an neappil ey inyuung tu gapuh ni baing tu et mandasal. Tuka pantel-uga pagew tu tep kamantuttuyyun liwat tu et kantuy ‘Apu Dios, hemek muwak anhan, tep nanliwattak.’”

Psalms 50:15

Ey emin di hipan panliggatan yu ey hi-gak pampebaddangi yu et ihwang dakeyu ma-lat daydayawen yuwak.”

Psalms 34:6

Henin hi-gak e nampehemmehemmekkak nunman nan Apu Dios ey binaddangan tuwak di emin ni ligat ku.

Psalms 25:17

Kamangkema-ma hu ligat ku et nakka meduddukul ni peteg. Baddangi muwak anhan.

Psalms 18:6

Et mandasallak nan Apu Dios e Dios ku tep nemahhig ni nakka meligligasid kameippenahding ni hi-gak ey dingngel tud Tempol tud kabunyan hu dasal ku et baddangan tuwak.

Psalms 6:4

Apu Dios, hemek muwak anhan et umli kan memaddang ni hi-gak ma-lat meihwangngak eyad ketteyyan ku!

John 2:2

Wada damad man hi Jesus et yadda disipol tu.

Psalms 6:5

Eggak pinhed ni umlaw di dungay, tep endi hu kamannemnem ni hi-gam niya endi hu kamengidaydayaw ni hi-gam diman.