Psalms 116:18 - Keley-i Bible (Antipolo Ifugao)

^18-19 Emin ida etan insapatah kun Apu Dios ni pehding ku ey peamnuk di hinanggaddan tutu-u tun kameemmuemmung di Tempol tud Jerusalem. Daydayaw tayu hi Apu Dios!

Psalms 116:18 Referans Kwoze

Psalms 116:14

Niya nak peamnud hinanggaddan neamung ni tutu-u tu hu insapatah kun hi-gatu.

Psalms 22:25

Apu Dios, daydayawen dakan hi-gak ey peamnuk hu inhel ku e i-appitan dakad kakeemmungiddan kamengu-unnud ni kamenaydayaw ni hi-gam.

Psalms 76:11

Emin itsun katuutuu ey peamnu tayu hu hipan impakulug tayun Apu Dios e Dios tayu, niya idwat tayun hi-gatu hu lebbeng tun meidwat ni hi-gatu e Dios ni kamedeyyaw niya kametekkusi.

Ecclesiastes 5:5

Heballi pemeggam i-ineng, nem ya kamansapatah ey eleg mu damengu ippahding.

Psalms 22:26

Yadda nangkewetwet ni kamengiddinnel ni hi-gam ey mekangngan ida et daydayawen daka. Em, emin ida kamengiddinnel ni hi-gam e Apu ey nanna-ud ni daydayawen daka. Umyaggud ali hu biyag da ey man-an-anladdan ingganah.

Psalms 65:2

tep muka dedngela dasal mi. Ey emin alid kebebbebley ey dakel idalli tuun mampandasal ni hi-gam ni pambeggaan dan baddang mu.