Psalms 114:2 - Keley-i Bible (Antipolo Ifugao)

² ey pinilin Apu Dios hu Judah ni penaydayawan dan hi-gatu niya pinili tu hu Israel ni pan-ap-apuan tu.

Psalms 114:2 Referans Kwoze

Exodus 25:8

Ey mahapul ni ikkapyaan da-ak ni Tabernacle e a-abbung ni tuldah ma-lat makiha-addak ni hi-gayu.

Exodus 15:17

Apu Dios, illaw dakemilli etan di duntug et heni dakemi ittanem diman ni pinilim ni panha-adam e kad-an ni baley mun kinapyam.

Deuteronomy 27:9

Immehel mewan hi Moses et yadda padin helag Lebay idan helag Israel ey kantuy “Hi-gayun edum min helag Israel, eneeneng kayu ey pandengel kayu! Yan nunya ey nambalin kayun tutu-un Apu Dios e Dios yu.

Deuteronomy 23:14

Hanneya ipahding yu tep mahapul ni malinih hu pangkampuan yu, tep wadadman hi Apu Dios e Dios yun mengeddug niya memaddang ni hi-gayu, et apputen yu buhul yu. Ey mahapul ni endi tu ang-angen diman ni hipan anggeba-ing tep entanniy iwwalleng dakeyu.

Leviticus 11:45

Hi-gak e Ap-Apu hu nengipengulun hi-gayun neni-yanan yun Egypt, ma-lat hi-gak hu daydayawen yun Dios yu. Et humman hu, mahapul ni kayyaggud kayu e endi yu pehding ni lawah, tep hi-gak ey kayyagguddak ni peteg.

Revelation 21:3

Ey wada dingngel kun na-let ni ehel ni nalpu etan di yuddungngan ni Ap-apu e kantuy “Kamekihha-ad law hi Apu Dios idan tuu. Mekibbebley ni hi-gada et pantuu tudda et hi-gatu hu Dios da.

Deuteronomy 27:12

“Hedin man-agwat kayud Wangwang e Jordan, man mahapul ni um-ehneng ida helag Simeon, helag Lebay, helag Judah, helag Issakar, helag Joseph et ya helag Benjamin di Duntug e Gerisim et ehelen da bendisyon dan hi-gayudman.

Deuteronomy 7:6

tep pinili dakeyun Apu Dios e Dios ni tutu-u tu. Hi-gayu pinilin Apu Dios e Dios yun pambalin tun nebalol di emin ni tutu-u eyad puyek.