Psalms 111:7 - Keley-i Bible (Antipolo Ifugao)

⁷ Neiptek niya limpiyuh ni emin hu tuka pehding niya emin hu tugun tu ey kameiddinnel.

Psalms 111:7 Referans Kwoze

Psalms 19:7

Kakkayyaggud ni emin hu tugun Apu Dios. Tuka pehammad hu kapengullug ni tuu ey tuka pambalin ni nenemneman hu tuun kulang ni hu nemnem tu.

Psalms 89:14

Emin hu muka pehding di nan-ap-apuan mu ey neipuun di kalinimpiyuh niyad kakinayyaggud. Ey emin di muka pehpephding ey kameang-ang hu eleg melumman ni impeminhed mu niya kamannananeng ni muka pemaptek.

Psalms 119:160

Emin hu muka e-hela ey makulug ida niya mannananeng alin ingganah ida humman ni limpiyuh ni tugun mu.

Psalms 119:151

Nem hi-gam e Apu Dios ey wada kad kad-an ku niya kameiddinnel ni emin hu muka ittugun.

Psalms 105:8

Eleg tu liwwana hu nekitbalan tu, anin ni piga toon hu melebbah.

Psalms 98:3

Impeamnu tu hu inhel tu e pannananeng tu hu impeminhed tu niya pemaptek tuddan helag Israel. Ey inang-ang idan katuutuu eyad puyek hu nengapputan tu e Dios tayu.

Deuteronomy 32:4

Hi-gatu hu kamei-ellig di batun keihhikkugan. Kameiptek emin tuka pehding, limpiyuh ey meandeng hu elaw tu. Hi-gatu hu Dios tayu ey kayyaggud ni peteg niya tuka peamnun ippahding emin hu tuka e-hela.

Psalms 119:86

Kameiddinnel ni emin hu tugun mu. Baddangi muwak anhan et ihwang muwak idad tutu-un kamengippelilligat ni hi-gak ni endi himmulun.

Psalms 93:5

Apu Dios, yadda tugun mu ey eleg ida melullumman. Ey anin ya kakinayyaggud ni Tempol mu et mannananeng alin ingganah.

Psalms 85:10

Yallin pengippeang-angan Apu Dios ni nehammad ni impeminhed tu niya kamannananeng ni tuka pemaptek ni hi-gatsu, ey meihwang itsu niya umlinggep itsu.

2 Timothy 2:13

Anin ni hin-addum ni eleg tayu u-unnuda, et nanengtu ngu dedan ni ippaptek daitsu, tep eleg tu kekyata hu impakulug tun pehding tu.”

Psalms 19:8

Emin hu tugun Apu Dios ey neiptek. Ida kaum-amleng hu kamengu-unnud idan nunman ni tugun tu. Limpiyuh ida humman ni tugun tu ey tuka e-dumi hu kapan-ewwat.

Psalms 119:89

Apu Dios, mannananeng alin ingganah hu ehel mu, anin ni yad kabunyan.

Daniel 4:34

Negibbuh etan pitun toon ey nambangngad law ni kakkayyaggud hu nemnem nan Nebukadnessar et kantuy “Intangaw kun Apu Dios di kabunyan ni pengippeang-angan kun nantuttuyyuan kud liwat ku ey nambangngad law ni kakkayyaggud hu nemnem ku. Et daydayawek law etan Keta-ta-geyyan ni Dios e wadan ingganah. Hi-gatu hu mannananeng ni man-ap-apun ingganah.

Daniel 9:14

Hi-gam, e Apu e Dios mi, ey nandadaddan kan mengastigun hi-gami et deh e kinastigu dakemi. Tep limpiyuh ni emin muka pehding, nem eleg daka u-unnuden.