Psalms 110:5 - Keley-i Bible (Antipolo Ifugao)

⁵ Apu Dios, wada hu Ap-apud winannan mu. Paka-apputen tuddalli hu papatul hedin medetteng hu aggew ni pengippeang-angan tun bunget tu.

Psalms 110:5 Referans Kwoze

Romans 2:5

Nem manghay kayun peteg e eleg yu iwwalleng hu lawah ni yuka pehpehding, et mukun nema-ma-malli kastigu yun panhuwetan Apu Dios ni tuu. Yallin nunman hu keang-angan ni kalinimpiyuh tu niya bunget tu.

Psalms 16:8

Ey inamtak e wadan hi-gak hi Apu Dios ni kenayun, et humman hu nakka makaddinnel ni tuka pemaptek ni hi-gak.

Psalms 68:14

Hi Apu Dios e Kabaelan tun emin ey inwahit tudda humman ni patul henin kakeiwwehhisin kame-gah ni dallallud Duntug e Salmon.

Revelation 11:18

Ida kaumbubunget hu eleg mengullug tep yan nunya nedatngan ni pengippeang-angan mun bunget mu et ya kehuwetan idan nangketey. Ey nedatngan law hu pengidwatan mun kayyaggud ni iddawat muddan bega-en mu, yadda prophets niyaddan emin hu tuum ni kamenaydayaw ni hi-gam, anin yadda nangkebabah niyadda nangketa-gey saad da. Ey nedatngan law hu kekastiguan idan tuun nengipenahding ni lawah di puyek.”

Mark 16:19

Ginibbuh tun inhel ida humman ey impaenamut Apu Dios di kabunyan et an yumudung di winannan Apu Dios.

Psalms 110:1

Kan Apu Dios nan Apuk ey “Yudung kad winannan ku ingganah apputen kuddan emin hu buhul mu.”

Psalms 68:30

Apu Dios, ibunget mudda humman ni iEgypt ni buhul min henidda animal di muyung ni kamantattallud mekatlubbung niya henidda bulug ni kameikkenamkamdug di impah idan baka, ingganah mampekumbabah ida et man-appit idan hi-gam ni silber. Ey pan-iwehit mudda humman ni tuun ya gubat hu pinpinhed da.

Psalms 109:20

Apu Dios, humman idan kastigu hu pengastigum idan nunman ni buhul kun lawah hu daka e-e-helan meippanggep ni hi-gak.

Habakkuk 3:12

Nemahhig hu bunget mu et pan-igsin mu tutu-ud kebebbebley.