Psalms 104:35 - Keley-i Bible (Antipolo Ifugao)

³⁵ Ya kayyaggud ey mebahbah idan emin hu tuun neliwtan et mangkeendidda eyad ta-pew ni puyek. Ikkahhakey ku nemnem kun menaydayaw nan Apu Dios. Daydayaw tayu hi Apu Dios!

Psalms 104:35 Referans Kwoze

Psalms 103:22

Ey emin kayun lintun Apu Dios, anin ni di attu, et lebbengtun hi-gatu hu daydayaw yu, tep endi hu pappeg ni tuka pan-ap-apui. Anin daman hi-gak et ikkahhakey ku nemnem kun menaydayaw nan Apu Dios.

Psalms 37:38

Nem yadda etan tuun lawah daka pehpehding, ey anin idan helag da et meendiddalli.

Proverbs 2:22

Nem hedin yadda lawah ni tuu, man pe-kal Apu Dios ida eyad bebley.

Psalms 106:48

Daydayaw tayu hu Ap-Apu e Dios tayun helag Israel. Em, daydayaw tayun ingganah. Emin itsu ey kantayuy “Amen!” Daydayaw tayu hi Apu Dios!

Psalms 105:45

Humman hu impahding tu ma-lat u-unnuden idan tutu-u tun emin hu tugun tu. Daydayaw tayu hi Apu Dios!

Psalms 101:8

Kewa-wa-wa ey endien kuddan emin hu tutu-un lawah daka pehpehding niya pampea-allaw kudda eyad bebley nan Apu Dios.

Psalms 59:13

Endim ida tep ya nemahhig ni bunget mun hi-gada ma-lat pengamtaan ni katuutuud kebebbebley e hi-gam e Apu Dios, hu Ap-apud Israel.

Psalms 1:4

Nem beken ni hanniman hu meippahding idan tuun lawah daka pehding, tep heniddalli ngu degin metel-ap et ihuyaw ni dibdib.

Psalms 73:27

Emin ida etan lawah ni tuun eleg daka u-unnuda e Apu Dios ey makulug ni endiem idan ingganah.

Judges 5:31

Apu Dios, emin et anhan hu buhul mu ey mettey idan henin neteyyan Sisera! Nem emin ida et hu kamenaydayaw ni hi-gam ey heniddan aggew e kaumhili hedin pimmetang.” Entanni ey wada law hu limminggep di bebley dan na-pat ni toon.

Psalms 104:1

Ikkahhakey ku nemnem kun menaydayaw nan Apu Dios. Apu Dios e Dios ku, hi-gam hu keta-ta-geyyan niya nanna-ud dedan ni kaka medeyyaw.

Psalms 145:20

Tudda kaippaptek hu tutu-un neminhed ni hi-gatu. Nem hedin yadda tutu-un lawah daka pehpehding ey tudda kaendia.

Isaiah 13:9

Medettengan ali etan aggew ni gintud Apu Dios ni pengippeang-angan tun nemahhig ni bunget tu, et bahbahen tu eya puyek et mambalin ni eleg mebebleyi. Pekibbahbah tuddallin emin hu neliwtan.