Proverbs 4:15 - Keley-i Bible (Antipolo Ifugao)

¹⁵ Em, entan tu u-unnud hu daka pehpehding. Elaw ka kumengud lawwan mu.

Proverbs 4:15 Referans Kwoze

Ephesians 5:11

Entan tu ipahding hu kaippahding idan tuun eleg mabeliwan elaw da, nem ya kayyaggud hu ipahding yu ma-lat mabeingan ida.

1 Thessalonians 5:22

nem hedin lawah, ey iwalleng yu.

Job 22:23

Hedin mambangngad kan mengu-unnud ni hi-gatu et issiked mun manliwwat ey kayyaggud law kaya hu meippahding di biyag mu.

Job 11:14

Niya mantuttuyyu kan liwat mu ey issiked mun mengippahding ni lawah,

Exodus 23:7

Ey entan tu legelegem deek ni edum yun tuu et kanyuy nambahul anin amta yun endi buhul tu et papetey yu, tep kastiguen ku mengippahding nunman ni lawah.

Isaiah 33:15

Dammutun meihwang kayu hedin kayyaggud pehding yu niya e-helen yu. Et humman hu, entan tudda talam hu newetwet. Entan tu abulut ni dakeyu beyyadan ma-lat ipahding yu hu beken ni meandeng. Ey entan pekieddueddum idan kamamplanuh ni umpatey niya kamengippahding ni lawah.

Proverbs 5:8

Entan an kaihehhennup mun biin henin nunman ey entan keihnup di baley tu.

Proverbs 4:14

Entan tu iu-unnud di elaw ni lawah ni tuu.

Proverbs 4:16

Tep hedin hi-gada, man eleg um-ali ugip da ingganah wada pehding dan lawah niya ingganah peligligatan da hu edum dan tuu.

Proverbs 1:15

Hi-gam e u-ungngak, ey entan kaya an pekikkillaw idan hanniman ni tutu-u ma-lat eleg mu ipahding hu daka pehpehding,

Proverbs 24:1

Ya meikkahampulut heyam: Entan kaemeh idan lawah ni tuu niya entan pekikkillaw ni hi-gada,