Proverbs 4:13 - Keley-i Bible (Antipolo Ifugao)

¹³ U-unnud mu ey entan tu liwwan ida huyyan inedal mun intuttudduk tep huyyadda um-idwat ni kayyaggud ni neitu-wam.

Proverbs 4:13 Referans Kwoze

Hebrews 2:1

Hi Jesus e Apu tayu hu keta-ta-geyyan. Et humman hu, mahapul ni ihhammad tayun mengu-unnud idan dingngel tayun tugun tun neitenuttuddu, tep entanni ey liwwanen tayu.

Proverbs 3:18

Ey kamean-anla hu nelaing niya nenemneman ni tuun eleg tu iwwalleng ni man-eddal. Tep hedin ya laing, man henin keyew e kaum-idwat ni biyag ni tuun kamengngan ni lameh tu.

Proverbs 23:23

Panhehellu kan man-eddal ni emin idan makulug ni tuttuddu, yadda kaum-idwat ni kenemneman niyadda tuttuddun kapengamtain mengimmatun ni neihla niya neiptek, tep nebalol ida huyya. Et humman hu, entan tu langlangkuyya ida huyya.

Deuteronomy 32:47

Tep beken ni ehel ni ebuh ida huyya, nem keippuunan ni biyag yu. Hedin u-unnuden yu, ey mebeyyag hu pambebleyan yuddad bebley ni lawwan yud pan-agwatan yud wangwang e Jordan.”

1 Thessalonians 5:21

Nemnem yudda emin humman ni kameitutuddu, et hedin kayyaggud, ey u-unnud yu,

Acts 11:23

Limmaw diman hi Barnabas ey kaman-am-amleng tep em nunman e et-eteng hu baddang Apu Dios ni hi-gada. Et tugunen tudda e mahapul ni ihhammad da daka pengullug nan Apu Jesus niya ittuluy dan mengu-unnud ni hi-gatu.

Acts 2:42

Et mekiammuammung idan man-eddal ni kaituttudduddan apostles, nekidasal idan hi-gada niya nekikan idan hi-gadan daka penginnemnemin neteyyan Jesus.

John 6:68

Himmapit hi Peter ey kantuy “Apu, endi edum ni u-unnuden mi. Hi-gam ni ebuh hu kamengituttuddun kaum-idwat ni biyag ni endi pappeg tu.

Revelation 12:11

Nengapput ida agi tayu tep ya ineyuhan ni kuheyaw etan ni Impah ni Kalneroh ni neteyyan tu niya tep ya nengipeenamtaan dan ehel Apu Dios, anin ni humman umhulun ni ketteyyan da.

Revelation 2:13

Inamtak e yad kad-an yu ey lawah idan peteg hu dakel ni tuudtan tep hi Satanas hu daka u-unnuda. Nem inamtak e nehammad hu yuka pengullug tep anin ni pintey da hi Antipas e hakey ni kameiddinnel ni kamengituttuddun meippanggep ni hi-gak et eleg kayu tumekut et eleg yu iwalleng hu yuka pengullug. Kayu kamelilligasidtan tep huttan ni bebley ey heni yadtan nambebleyan nan Satanas.

Song of Songs 3:4

Kanday ‘Endi.’ Nem entanni et hini-yan kudda ey himmak ku law etan nakappinhed ku. Inakwal ku et eggak iwelak ngamay tu ingganah ni nengidtengak di baley ina et ihgep ku etan di kuwaltuh ni neiungnga-ak. Huyya ini-innep ku.

Ecclesiastes 7:12

Tep dammutun ussalen ni tuu hu laing tu niya pihhuh tu ma-lat alen tu pinhed tu. Nem ya importanteh ni amtaen ey hedin ussalen hu laing niya nemnem ey meihwang itad hipan mekapkapya.

Proverbs 3:22

tep umyaggud hu biyag mu hedin pehding mudda huyya tep ya kayyaggud ni elaw mu.

Genesis 32:26

Et kan etan ni tuuy “Imay et lumawwak tep ay kamangkewa-wa.” Nem kan Jacob ey “Eleg daka pellaw ingganah bendisyonan muwak.”

John 6:63

Ya Ispirituh Apu Dios hu mengidwat ni biyag ni endi pappeg tu, beken ni ya kabaelan ni tuu. Humman idan intuttudduk ni hi-gayu ey nalpun Ispirituh Apu Dios. Et humman hu, ya tuun mengebbulut idan nunman ey dewwaten tu humman ni biyag.

Proverbs 6:23

Nemnem mu e huyyaddan tugun dan hi-gam hu heni kengkeh ni um-idwat ni benang tep ittudu tu panyaggudam. Daka katugguna ma-lat amtaem mu hu neiptek ni pehding mun mambiyag.

Proverbs 8:35

Tep ya tuun menemmak ni hi-gak ey hemmaken tu keittu-uan tu ey man-am-amleng hi Apu Dios ni hi-gatu.

Proverbs 10:17

Ya etan tuun tuka ebbulutan me-helan di lawah ni tuka pehpehding ey keingngeh tu hu inunud tu etan dalan ni mampellaw di keittu-uan. Nem ya etan tuun eleg tu pinhed ni me-helan ey neihla inunud tun dalan niya ippangulu tu kumedek edum ni tuudman.