Proverbs 3:23 - Keley-i Bible (Antipolo Ifugao)

²³ Iningngeh tu hu ippaptek dakaddan kayyaggud ni tugun et endi hu lawah ni meippahding di biyag mu, et eleg ka meiingngeh etan di tuun kamandaddallan ey neihungbub.

Proverbs 3:23 Referans Kwoze

Proverbs 10:9

Ya etan tuun kayyaggud tuka pehpehding ey kaippaptek nan Apu Dios. Nem ya etan tuun lawah tuka kapkapyaa ey meha-kupan et mekastigu.

Proverbs 4:12

Tep hedin nelaing ka niya nenemneman ka, ey endi umhanin planuh mud biyag mu, e heni ka etan ni tuun kamemsik, nem eleg meihhungbub.

Psalms 121:3

Anin ni hi-gayu et baddangan dakeyun hi-gatu et maka-ippaptek kayu. Tep eleg meuggip hi Apu Dios niya eleg meblay ni mengi-eddug ni hi-gatsun helag Israel.

Psalms 37:31

Eleg da ippangil hu tugun Apu Dios, tep wadad puhu da niyad nemnem da.

Sekariah 10:12

Pambalin kullin et-eteng hu kabaelan idan tutu-uk niya hi-gak ali deyyawen da niya u-unnuden da. Hi-gak e Ap-Apu hu nanghel idan nunya!”

Proverbs 2:8

Tudda kaippaptek hu limpiyuh daka pehding ni edum dan tuu niya tudda kaeddugi hu nanengtun kamengu-unnud ni hi-gatu.

Psalms 121:8

Em, anin ni attu lawwan tayu et ippaptek daitsun hi-gatun ingganah.

Psalms 119:165

Yadda tutu-un ya tugun mu hu pinhed dan u-unnuden ey umlinggep ida niya endi an umhulun ni da kehe-ulan ni mengippahding ni lawah.

Proverbs 6:22

Huyyaddan tugun hu heni mengituttuddun pehding mun kewa-wa-wa, anin ni attu lawwam. Heni huyyadda mengippaptek ni hi-gam anin ni hileng niya menuggun ni hi-gam ni kawwalwal.

Isaiah 5:27

Endin hi-gada hu meettu niya meihhungbub. Eleg ida man-iyyatu winu meuggip di dalan. Eleg meubbad hu ballikid da niya iket ni patut da.