Proverbs 3:18 - Keley-i Bible (Antipolo Ifugao)

¹⁸ Ey kamean-anla hu nelaing niya nenemneman ni tuun eleg tu iwwalleng ni man-eddal. Tep hedin ya laing, man henin keyew e kaum-idwat ni biyag ni tuun kamengngan ni lameh tu.

Proverbs 3:18 Referans Kwoze

Proverbs 11:30

Ya kapehding ni kayyaggud ni tuu ey heni etan ni keyew ni kaumpephel hu lameh tu. Ey ya etan nenemneman ni tuu ey tuka ellukuya edum ni tuun mekiddagyum ni hi-gatu.

Proverbs 15:4

Ya kabbabbal ni ehel hu kamengippekedhel ni nemnem etan ni kaumlelemyung, nem ya lawah ni ehel, man tuka pedgeh nemnem etan ni kamengngel.

Revelation 2:7

Kaegiegi, dengel yu et u-unnuden yu hu kapan-e-helan Ispirituh Apu Dios ni hi-gayun kamengullug e kantuy: Ya tuun eleg tu iwwalleng hu tuka pengullug, anin ni hipa mekapkapyan hi-gatu ey hi-gatu mengeddan ni nengapput et hi-gatu pengidwatan kun kelebbengan ni mengngan ni lameh ni keyew ni kakelpuin biyag ni endi pappeg tud kad-an Apu Dios.’”

Proverbs 13:12

Nemahhig hu degeh ni nemnem hedin ya kanamnamaha ey nambalin ni endi, nem nemahhig mewan amleng hedin ya etan kanamnamaha ey wada.

Genesis 3:22

Et kan Apu Dios ey “Yan nunya ey neiingngeh law hu tuun hi-gatsu, e amta da hu kayyaggud niya lawah. Et humman hu, mahapul ni eleg ida umkan etan ni lameh ni keyew ni kaum-idwat ni biyag ma-lat eleg mannananeng hu biyag da.”

Genesis 2:9

Impatmel Apu Dios di legunta hu nambakbaklang ni keyew ey kakkayyaggud ang-ang da niya lameh da. Yadman di gawwan etan ni legunta ey wada etan keyew ni kaum-idwat ni biyag et ya etan keyew ni kaum-idwat ni laing ni pengamtaan ni kayyaggud niya lawah.

Revelation 22:2

mandalan di gawwa etan ni et-eteng ni keltad ni bebley. Wada etan keyew ni kamengidwat ni biyag di nambina-hil ni wangwang e kaumlameh ni pinhakkey ni hambulan. Kamampinhampulut dewwan umlameh ni hantoon. Kai-agah idan katuutuud kebebbebley hu bulung nunman ni keyew.

Proverbs 4:13

U-unnud mu ey entan tu liwwan ida huyyan inedal mun intuttudduk tep huyyadda um-idwat ni kayyaggud ni neitu-wam.

Proverbs 8:34

Ya etan tuun mengu-unnud ni tugun ku niya ihik ni menammun hi-gak ni kewa-wa-wad dallin ni baley ku, ey man-am-amleng.

Ecclesiastes 7:12

Tep dammutun ussalen ni tuu hu laing tu niya pihhuh tu ma-lat alen tu pinhed tu. Nem ya importanteh ni amtaen ey hedin ussalen hu laing niya nemnem ey meihwang itad hipan mekapkapya.

Proverbs 8:32

Et humman hu, dengel yuwak e u-ungngak ida, tep hedin u-unnuden yu tugun ku, ey man-am-amleng kayu.