Proverbs 23:2 - Keley-i Bible (Antipolo Ifugao)

² Et humman hu, anin ni kantu et naka-upa ka ey kekkenneng mu kennen mu.

Proverbs 23:2 Referans Kwoze

Philippians 3:19

Huyyaddallin tutu-u ey mekastiguddan ingganah di impiernoh, tep ya pinhed ni annel da hu impambalin dan heni dios da, niya daka ippahhiyadda etan anggeba-ing ni daka pehpehding.

1 Corinthians 9:27

Nakka pehding emin hu kabaelan kun mengekkenneng ni annel ku, ma-lat beken ni legelegem hu pehding ku, tep hedin eggak pehding humman ey e-kalen da-ak ni meki-apput. Ya pinhed kun e-helen ey anin ni wadadda tinuttudduan ku et mangulug ida e heni hi-gada inewis kun meki-apput, nem endi gun-uden ku hedin nalnalgem hu pehding ku.

Proverbs 23:1

Ya meikka-nem: Hedin eyyagan dakan tuun eta-gey saad tun mekikkan ni hi-gatu, ey entan tu liwwan hu neitu-wan nunman ni kadwam ni kamengngan.

Proverbs 23:20

Entan pekikkillaw muddan tuun ya meinnum niya kennen hu daka peppepdugad biyag da.

Genesis 27:14

Et u-unnuden nan Jacob hu inhel nan inetu et an ali umlan dewwan impah ni gelding et iheeng inetu etan ni pinpinhed nan ametun kapene-eng.