Proverbs 19:13 - Keley-i Bible (Antipolo Ifugao)

¹³ Ya endi nemnem tun u-ungnga hu umhulun ni kebahbahan ametu. Ey ya etan matutut ni biin ahwa ey kamengippeinglay e henin kaum-enih-ih ni danum.

Proverbs 19:13 Referans Kwoze

Proverbs 27:15

Ya etan matutut ni ahwa ey henin lemlem e kamengippehigga.

Proverbs 21:9

I-imman hu an mea-appil di a-abbung nem ya meki-addum di matutut ni ahwa.

Proverbs 10:1

Huyyadda edum ni tugun eman lan patul e hi Solomon. Ya etan netugun ni u-ungnga ey kamengippeamleng nan ametu, nem ya etan endi nemnem tun u-ungnga ey pedgeh tu nemnem nan inetu.

Proverbs 25:24

I-imman hu ita manha-ad di a-abbung nem ya etan ita mekia-addum di matutut ni ahwa.

Proverbs 21:19

I-imman hu an mea-appil di desert nem ya meki-addum di matutut ni ahwa.

Proverbs 17:25

Ya etan endi nemnem tun u-ungnga ey kaum-idwat ni nemahhig ni lemyung nan ametu ey degeh ni nemnem nan inetu.

Proverbs 17:21

Endi amleng etan ni hakey ni ammed hedin endi nemnem ni u-ungnga tu, ey ebuh hu lemyung tun wada.

Proverbs 15:20

Ya etan nenemneman ni u-ungnga ey tuka peamleng ida a-ammed tu, nem ya etan endi nemnem tun u-ungnga ey tuka pihhula a-ammed tu.

Proverbs 17:17

Ya makulug ni gayyum ey pinhed dakan ingganah, anin ni hipa meippahding. Et mukun winedan Apu Dios hu agi et bumaddang hedin wada ligat.