Numbers 9:22 - Keley-i Bible (Antipolo Ifugao)

²² Nem eleg ida man-e-tan anin ni dewwan aggew, hambulan, hantoon winu mea-ayyapaw pay hedin eleg um-ahpat etan kulput. Nem hedin nisin immahpat etan kulput man bukkalen da kampuda ma-lat man-etan ida.

Numbers 9:22 Referans Kwoze

Psalms 32:8

Kan Apu Dios ey “Ituttudduk hu kayyaggud ni pehding yu. Tuggunen dakeyu ey ippaptek dakeyun hi-gak.

Acts 1:4

Yan eman ni pinhakkey ni daka pengngannin emin, ey kantun hi-gaday “Entan tu ni hi-yan hu Jerusalem et hegeden yu etan inhel kun impakulug Ama ni iddawat tun hi-gayu.

Psalms 143:10

Itudum hu pinhed mun pehding ku tep hi-gam hu Dios ku. Ya kayyaggud ey ya Ispirituh mu hu mengittuntun ni hi-gak ma-lat endi hu el-eleg ni an meippahding ni hi-gak.

Psalms 107:7

Impangulu tuddad kayyaggud ni dellanen da et lumaw ida etan di bebley ni panha-adan da.

Psalms 77:20

Impangulum ida tutu-um e henidda kalneroh ni kaipappattul di Moses nan hi Aaron.

Psalms 73:24

Niya muka ittududda hu kayyaggud ni pehpehding ku, et lektattuy nedatngan hu keiddeyyawan kun ellian kud kad-an mu.

Psalms 48:14

Huyyan Dios hu Dios tayun ingganah. Ey hi-gatu hu mannananeng ni Dios tayun mengippengngulun hi-gatsun ingganah.

Numbers 9:17

Hedin immahpat etan kulput, ey amtaddan helag Israel e pinhed Apu Dios ni man-e-tan ida. Et humman hu, bukkalen da kampu da ma-lat man-etan ida. Ey ihha-ad da mewan hedin nansiked niya melehbeng etan kulput. Nem hedin mannenneng etan kulput di Tabernacle, ey amta da e pinhed Apu Dios ni mannenneng idadman ni nangkampuan da.

Numbers 8:20

Inu-unnud Moses, hi Aaron niyadda helag Israel hu intugun Apu Dios ni pehding daddan helag Levi.

Numbers 1:54

Et ipahding idan helag Israel huyyan emin ni inhel Moses ni intugun Apu Dios.

Exodus 40:16

Inu-unnud Moses emin humman ni intugun Apu Dios ni pehding tu.

Exodus 39:42

Impahding idan helag Israel humman e inu-unnud dan emin hu in-olden nan Apu Dios nan Moses.

Numbers 9:21

Hin-addum mewan ni hakey ni hileng ni ebuh hu panha-adan ni kulput di Tabernacle et ida kaman-e-tan ni kewa-waan tu hedin immahpat etan kulput. Nem anin ni kawwalwal winu hileng et hanniman daka pehding e hedin immahpat etan kulput man mahapul ni man-e-tan ida.