Numbers 7:84 - Keley-i Bible (Antipolo Ifugao)

^84-88 Et ya bilang emin ni indawat idan hampulut dewwan aap-apun helag Israel ni meussal di kei-eng-engan ni altar ey: Hampulut dewwan silber ni duyu et ya hampulut dewwan silber ni mahukung ni duyun umlaw di telumpulun kilo, hampulut dewwan balituk ni ekka-kut ni mahukung ni duyun umlaw ni hangkiloh et kagedwah bel-at tun nangkapnun insensoh, hampulut dewwan lakkitun baka, hampulut dewwan lakkitun kalneroh, hampulut dewwan hantoon tun impah ni kalneroh, ya alinah ni i-appit dan mei-unnud ida nunman ni kagihheba et ya hampulut dewwan gelding ni kamei-appit tep ya liwat. Ya in-ali da pay ni kamei-appit ni pekiddagyuman dan Apu Dios ey dewampulut epat ni lakkitun baka, na-nem ni lakkitun kalneroh, na-nem ni gelding et ya na-nem ni hantoon tun impah ni kalneroh.

Numbers 7:84 Referans Kwoze

Numbers 7:10

Yan etan ni neieng-engan ni altar hu nengi-lian idan aap-apun nunman idan indawat da et ipeang-ang dan inha-ad dad hinanggan altar.

Revelation 21:14

Ya tuping ni luhud nunman ni bebley ey neibehwat di hampulu et dewwan batun neitudekan ni ngadan ida etan ni hampulut dewwan apostles etan ni Impah ni Kalneroh.

Hebrews 13:10

Hedin hi-gatsun kamengullug, ey heni wada hu altar tayun kakelpuin et-eteng ni tayu kapanyaggudi e humman neteyyan Jesus di krus. Nem yadda etan tuun daka iddinel hu kai-appit idan padid Tabernacle ey endi lebbeng dan an mekilla-kam di panyaggudan tayu.

Numbers 7:1

Ginibbuh nan Moses ni binehwat hu Tabernacle, et ipahding tu hu elaw ni pengi-eng-engan dan Apu Dios ni nunman, yadda kameussal diman, ya altar niyadda usal diman.

Exodus 25:29

Ey pengapya kayun nemahmah ni balituk ni duyun pengihha-adan ni bangbanglun insensoh, ya basuh, ya pa-nay niya mahukung ni duyun pengidduyyagan yun meinnum ni kamei-appit.