Numbers 3:27 - Keley-i Bible (Antipolo Ifugao)

²⁷ Yadda nahlag nan Kohat ey yadda pamilyah Amram, hi Ishar, hi Hebron et hi Usiel.

Numbers 3:27 Referans Kwoze

1 Chronicles 26:23

Huyyadda kamengipappangngulun helag Amram, hi Ishar, hi Hebron et hi Ussiel.

1 Chronicles 23:12

Hi Kohat ey wada epat ni u-ungnga tun laki e hi Amram, hi Ishar, hi Hebron et hi Ussiel.

Numbers 3:19

Epat dama lakin u-ungngan Kohat: hi Amram, hi Ishar, hi Hebron et hi Ussiel.

Numbers 3:28

Ya bilang emin ni lalakkin helag dan neilistan hakey bulan tu niya nehuluk ey 8,600. Hi-gada mengippaptek idan neieng-eng ni usal.

1 Chronicles 26:30

Yad helag Hebron ey hi Hashabiah niyadda hanlibut pitun gatut ni agitun nangkelaing hu ngenamung ni meippanggep ni daka pansilbiin nan Apu Dios niya pansilbian dan patul ni Israel. Ey hi-gada mengipappangnguluddan nambebley di appit ni kakelinnugin aggew di Wangwang e Jordan.

Numbers 4:2

“Ilista yu emin hu helag Kohat meippuun di pewen da niyad pamilyah da.

Joshua 21:5

Yadda edum ni helag Kohat ey neidwatan idan hampulun bebley e nalpud puyek idan helag Epraim, helag Dan et ya helag Manasseh di appit ni kakelinnugin aggew.

Ezekiel 40:45

Kan etan ni tuun hi-gak ey “Ya etan kuwaltuh ni inhangga tud south hu panha-adan idan papaddin kamangngunnud Tempol.