Numbers 26:65 - Keley-i Bible (Antipolo Ifugao)

⁶⁵ Inhel dedan Apu Dios ni nunman e mettey idan emin etan di eleg mebebleyi. Nem ebuh di Kaleb e u-ungngan Jepunneh et hi Joshua e u-ungngan Nun ni natdaan ni eleg matey.

Numbers 26:65 Referans Kwoze

Numbers 14:38

Ebuh law di Joshua e u-ungngan Nun et hi Kaleb e u-ungngan Jephunneh ni nanengtun mategun hi-gadan hampulut dewwan nansiim.

Romans 11:22

Ma-nu tep em, mahmek hi Apu Dios, nem tudda kakastigua hu kamangngenghay ni hi-gatu, heniddan Jews ni eleg mengu-unnud ni hi-gatu. Nem hedin hi-gayu, man dakeyu kahehmeka. Nem hedin eleg yu pannananeng hu yuka pengullug ni hi-gatu, ey iwwaklin dakeyu dama, et mei-ellig kayu etan ni pangan tungngilen tu.

Numbers 14:35

Et makulug ni hanniman pehding kuddan lawah ni tutu-un nangngehay ni hi-gak ma-lat matey idan emin eyad eleg mebebleyi. Hi-gak e Ap-Apu e Dios hu nanghel ni nunya.’”

Jude 1:5

Inamtak e neka-amta yu eya impahding Apu Dios, nem anin, penemnem ku mewan ni hi-gayu e yadda helag Israel ey neihwang idad daka panligligasid Egypt tep impa-kal idan Apu Dios diman. Nem entanni ey kinastigu tudda etan eleg mangulug ni hi-gatu et matey ida.

Exodus 12:37

Immegah ida helag Israel di Rameses et mandaddallan idan limmaw di Sukkot. Ya bilang dan emin ni neni-yan ni Egypt ey enem ni gatut hu libu nem eleg ida maibilang hu u-ungnga niyadda bibi-i.

Numbers 14:26

Kan mewan nan Apu Dios nan Moses et hi Aaron ey

Numbers 14:32

Nem hedin hi-gayun a-ammed da, ey mettey kayu eyad eleg mebebleyi.

Numbers 34:19

Huyyadda ngadan da: hi Kaleb e u-ungngan Jephunneh di helag Judah,

Deuteronomy 1:36

Ebuh hi Kaleb e u-ungngan Jephunneh hu dammutun umlaw diman. Iddawat kun hi-gatu et yadda helag tu etan bebley ni tu dindinlan, tep impannanneng tu hu tuka pengu-unnud ni hi-gak.’

Joshua 5:4

Ma-nut nekugit ida emin hu lalakkin helag Israel eman ni neni-yanan dan Egypt nem eleg ida makugit hu neiungngad eleg mebebleyi ni nanha-adan dadman ni na-pat ni toon. Et humman idan lalakkin kakat-agun dammutun mekiggubbat ni nunman ni wadaddad Egypt ey netey idan emin tep eleg da u-unnuden hi Apu Dios. Insapatah dedan lan Apu Dios lan nunman e eleg tu in-abulut ni umlaw ida etan di kakkayyaggud ni bebley ni mateba kameitnem e humman inhel tun iddawat tuddan aammed da. Et yadda etan baluh ni helag Israel hu kinugit Joshua.

Psalms 37:9

Tep yadda tuun kamengiddinel nan Apu Dios ey mannenneng idan manha-ad di puyek ni indawat tun hi-gada. Nem hedin yadda tuun lawah daka kapkapyaa ey endien tudda.