Numbers 20:20 - Keley-i Bible (Antipolo Ifugao)

²⁰ Nem kahing etan patul di Edom e kantuy “Eggak nisi i-abulut ni kayu mandellan eyad bebley mi!” Et idaddan kumedek idan iEdom hu dakel ni sindalu dan mengubbat idan helag Israel.

Numbers 20:20 Referans Kwoze

Amos 1:11

Immehel mewan hi Apu Dios ey kantuy “Nanliwaliwat ida dama tutu-ud Edom et mukun nanna-ud ni kastiguen kudda. Heni da dindinweng hu edum dan iIsrael et nemahhig hu impahding dan hi-gada e endi hemek da.

Judges 11:17

Nenu-dak idan an manmahmah etan ni patul ni Edom hedin mabalin ni iddalan dad bebley da nem eleg tu pinhed. Limmaw ida mewan et da ibega etan ni patul di Moab ey henin nunman dama humang tu. Et manha-ad ida ni helag Israel di Kades.

Psalms 120:7

Hedin nakka pan-e-hela hu meippanggep ni linggepan ey daka pehebballi hu mekiggubbat.

Judges 11:20

Nem eleg tu dama tep endi dinel tun hi-gada. Inemung tudda kumedek hu sindalu tu et mangkampuddad Jahas et gubaten dadda helag Israel.

Numbers 20:18

Nem kan etan ni patul di Edom ey “Entan pandalan yu eyad bebley mi tep gubbaten dakeyu hedin iddalan yudya!”

Genesis 32:6

Nambangngad ida huyyan intu-dak Jacob et kandan hi-gatuy “Inhel min agim et iyyallin daitsu dammuen e wada hu ingkuyug tun epat ni gatut ni tutu-u tu.”

Genesis 27:41

Et meippalpun nunman ey anggebe-hel law nan Esau hi Jacob tep piniliw tu hu bendisyon tu. Kantud nemnem tuy “Petteyek ali hi Jacob hedin mettey hi ama.”

Numbers 20:21

Et hin-appil law nengidlanan da tep kaikka-leg idan iEdom hu pandellanan dadman.