Numbers 16:32 - Keley-i Bible (Antipolo Ifugao)

³² et maunug ida, yadda pamilyah da, et yadda etan immunud nan Korah, anin idan ngunut da.

Numbers 16:32 Referans Kwoze

Numbers 26:11

Nem eleg ida matey hu u-ungngan Korah ni nunman ni aggew.

Revelation 12:16

nem binaddangan ni puyek etan bii, tep nantekang et kamenaggah etan dakel ni danum.

Psalms 106:17

Et endi maptek ey nadhak hu puyek et mangke-hung hi Dathan et hi Abiram et yadda edum tu.

Isaiah 5:14

Et humman hu, kaman-am-amleng hu Dungay ni mengekmun idan kekeddangyan niyadda nangkewetwet ni iJerusalem, anin idan hi-gayun bimmebley ni kamambuttebutteng ni ngimmalangala.

1 Chronicles 6:22

Yadda dama nehayhayned ni helag Kohat. Nantanud hi Kohat et wada hi Amminadab e aman Korah e aman Assir

Psalms 88:1

Ap-Apu e Dios kun kamenellaknib ni hi-gak, kewa-wa-wa niya kahilehileng ey nakka umdasadasal ni pemmekan mun hi-gak.

Psalms 85:1

Apu Dios, binendisyonam hu bebley mud Israel et kumedangyan ida mewan hu tutu-um ni helag Israel.

Psalms 84:1

Apu Dios e Kabaelan tun emin, kayyaggud ni peteg hu Tempol mu.

1 Chronicles 6:37

e u-ungngan Tahat e u-ungngan Assir e u-ungngan Ebiasap e u-ungngan Korah

Deuteronomy 11:6

Ey eleg da ang-angen hu impahding tud Dathan nan Abiram e u-ungngan Eliab e helag Reuben eman ni nadhakan ni puyek et maunug idad dallem tu anin idan pamilya da, ya kampu da, yadda bega-en da niya animal da.

Numbers 16:30

Nem hedin meippahding ni hi-gada hu kamengippetnga e nealay neunug ida lad puyek anin idan ngunut da et maikulung idan mategu ey humman pengamtaan yun inwalleng da hi Apu Dios.”

Numbers 16:17

Ang-ang mu et emin ida etan dewanggatut et neliman immunud ni hi-gam, ey um-i-liddan pengiggihheban ni insensoh et iappit yun Apu Dios di pan-appitan. Anin hi Aaron et um-i-li daman i-appit tu.”

Genesis 4:11

Et humman hu, meiddutan ka et endi law silbin ingngunum eyad puyek ni nengitmeg ni kuheyaw agim.

Numbers 16:31

Negibbuh ni immehel hi Moses ey pinhakkeyey nadhak hu puyek ni inehnengan da,

Numbers 16:33

Mateguddan neunug di kad-an idan nangketey. Nekiunug ni hi-gadadda emin hu wadan hi-gada, et han mewan mambangngad hu puyek ni nangketem et meendidda.

Numbers 16:49

Ya bilang idan tuun netey ni nunman ey hampulut epat ni libu et pitu gatut. Nem eleg makibilang ida etan netey ni immunud nan Korah.

Numbers 26:10

Nem nadhak puyek et mangke-hung idad dallem tu anin hi Korah niyadda etan dewanggatut et neliman neki-dum ni hi-gadan pintey ni apuy. Humman ni neipahding ni hi-gada hu pengi-ang-angan ni edum ni tuu ma-lat tumekut idan mengippahding ni impahding da.

Psalms 141:7

Humman idan lawah ni tutu-u ey eleg ali meikkullung hu tu-ngal da, nem nealay kepuppullay di gilig ni kulung da e heniddalli batud nealedun payew.

Isaiah 24:19

Et humman hu, mangkedhak ali puyek et mangkepi-ang.

Numbers 4:18

“Heninnuy mewan hu mahapul ni meippahding et eleg ida matey hu helag Kohat anin ni meihnup idad kameussal di Tabernacle.