Nehemiah 8:1 - Keley-i Bible (Antipolo Ifugao)

¹ Yan eman ni meikkeppitun bulan ey nampanha-ad ida law hu helag Israel di bebley da. Yan nemangulun aggew nunman ni bulan ey neamung idan emin hu tutu-ud mulkaduh di Jerusalem etan di Eheb e Danum et ehelen dan Ezra e padin nekangngamtan Tugun ni indawat Apu Dios nan Moses, e tu ellan etan libluh ni neitudekan idan nunman ni Tugun.

Nehemiah 8:1 Referans Kwoze

Ezra 7:6

Huyyan hi Ezra ey mittuduh ni nekangngamtan Tugun ni indawat ni Ap-Apu e Dios idan helag Israel nan Moses. Immalid Jerusalem e nalpud Babilon et idwat nan patul ni hi-gatu emin ni hipan imbagetu. Et-eteng ni bendisyon Ap-Apu e Dios nan Ezra et mukun kabbabbal etan patul ni hi-gatu.

Nehemiah 3:26

et yadda kamampangngunnud Tempol ni nambebley di duntug ni Ophel et ingunu da hu huup tu ingganah di appit ni kasimmilin aggew e neihnup di Eheb e Danum et yad etan di eta-gey ni kapangguwalyai.

2 Chronicles 34:15

Et kan Hilkiah nan Saphan e sekretarih ey “Himmak kud Tempol Apu Dios eya libluh ni neitudekan ni Tugun.” Et idwat tun hi-gatu.

Ezra 7:11

Huyya neitudek di tudek ni indawat nan Artaserses e patul nan Ezra e padi ey mittuduh, e nekangngamtan intugun Apu Dios ni hi-gadan helag Israel:

Matthew 23:34

Ittu-dak kuddalli prophet, yadda nenemneman niyadda mengittuddun elaw ku, nem petteyen yudda edum niya peippettak yudda edum di krus. Panheplaten yudda edum di yuka keemmuemmungi niya unnuunnuden yudda edum anin attu bebley ni lawwan da et yudda panligligat.

Matthew 23:13

Hi-gayuddan Pharisee niya kamantuttuddun Tugun Moses, ey mangkaitek kayu. Anggehemmek kayu tep mangkekastigu kayulli, tep hin-appil intenuttuddu yuddan tuun pinhed dan umlaw di kapan-ap-apuin Apu Dios, et eleg ida law paka-law diman, nem anin hi-gayu et eleg kayu paka-law diman.

Matthew 23:2

“Yadda kamantuttuddun Tugun Moses et yadda Pharisee ey wada kelebbengan dan mengituttuddun intugun nan Apu Dios.

Matthew 13:52

Et kan Jesus ey “Emin ida etan kamengituttuddun Tugun Moses ni kamengu-unnud ni hi-gak et ya elaw ni kapan-ap-apuin Apu Dios hu daka ituttuddu, ey wada kabaelan dan mengitenuttuddun elaw ni nebayag et ya dama baluh ni elaw. Henidda law etan ni tuun peukkat tun emin hu limmu tud baley tun baluh et yadda nebayag ni panyaggudan idan tuu.”

Malachi 4:4

Mahapul ni nemnemen yu et u-unnuden yudda intuttudduk ni pehding yu niya Tugun kun indawat kun bega-en ku e hi Moses di Duntug e Sinai e humman ida hu u-unnuden yun emin ni helag Israel.

Isaiah 8:20

Dengel yu kuma hu kaituttuddun Apu Dios et beken ni ya kae-heladdan kamammagguway hu yu u-unnuden, tep endi ibbaddang dan panyaggudan yu tep heni eleg ni madilagan hu daka pannemnem.

Nehemiah 12:37

Inlapu dad Eheb ni Ahhullan et mampatyed idad nambebleyan lan David e patul. Linabhan da etan baley David et manlikweh idad batun luhud di Eheb e Danum di appit ni kasimmilin aggew.

Nehemiah 8:16

Inu-unnud idan tutu-u et mengapyaddan kampud nedeklan ni atep di baley da, yad dallin da, yad dallin ni Tempol, yad kad-an ni Eheb e Danum et yad neihnup di Eheb e Epraim.

Judges 20:8

Immehneng ida emin etan tutu-un neamung et kanday “Endin hi-gatsu hu um-anemut.

Judges 20:1

Emin ida helag Israel meippalpud Dan di appit ni north ingganah di Beersheba di appit ni south ey neamung idad Mispah di hinanggan Apu Dios.

2 Chronicles 34:30

et ikuyug tuddad Tempol. Inaygan tudda dama padi, yadda edum dan helag Levi niyadda tutu-u, kedangyan niya newetwet. Et eleten tun bidbiden ni hi-gada etan libluh ni nehamak di Tempol ni neitudekan ni nekitbalan nan Apu Dios ni hi-gada.

Nehemiah 8:3

Binidbid Ezra etan Tugun di hinangngab idan tutu-u e inlapu tun kakkabbuhhan ingganah ni nandattek aggew ey sinuttungul idan tutu-u.

Leviticus 9:5

Inlaw idan tutu-ud hinanggan Tabernacle ida humman ni inhel nan Moses et maemung idan menaydayaw nan Apu Dios.

Deuteronomy 31:11

Mahapul ni bidbiden yudda huyyan Tugun di emin ni helag Israel di keemmungan yud hinanggan Apu Dios e Dios yud bebley ni pillien tun pandeyyawan yun hi-gatu.

2 Kings 23:2

et ikuyug tuddad Tempol. Inaygan tudda dama padi, yadda prophets et yadda tutu-u, kedangyan niya newetwet. Et eleten tun bidbiden ni hi-gada etan libluh ni nehamak di Tempol ni neitudekan ni nekitbalan Apu Dios ni hi-gada.

Ezra 7:1

Nelabah dakel ni toon et mampatul hi Artaserses di Persia ey wada hu tuun hi Ezra ngadan tu. Sinenten tu aammed tu ey nahlag nan Aaron e eta-gey ni padi: hi Ezra ey u-ungngan Seraiah e u-ungngan Asariah e u-ungngan Hilkiah, e u-ungngan Sallum, e u-ungngan Sadok, e u-ungngan Ahitub, e u-ungngan Amariah, e u-ungngan Asariah, e u-ungngan Meraiot, e u-ungngan Serahiah, e u-ungngan Ussi, e u-ungngan Bukki, e u-ungngan Abishua, e u-ungngan Pinehas, e u-ungngan Eleasar, e u-ungngan Aaron e eta-gey ni padi.

Nehemiah 12:26

Nangguwalyaddad bodegah ni Tempol eman ni ketaggun Joiakim e u-ungngan Joshua e u-ungngan Jehosadak, hi Nehemiah e gobernor et hi Ezra e padin nekangngamta etan ni Tugun.