Nehemiah 3:16 - Keley-i Bible (Antipolo Ifugao)

¹⁶ Hi Nehemiah e u-ungngan Asbuk e ap-apun kagedwah ni Bet Sur hu nengingunun tu-lu tu ingganah di kad-an ni kulung David, niyad etan di lebeng niyad Kampun sindalu.

Nehemiah 3:16 Referans Kwoze

Acts 2:29

Intuluy Peter ni immehel e kantuy “Agik ida, pinhed kun amtaen yu e beken hi David hu tuka pan-e-hela. Tep hi David e ammed tayu ey netey dedangngu la, et nanengtun immen etan gungat tu eyad kad-an tayu.

Nehemiah 3:12

Hi Sallum e u-ungngan Hallohes e ap-apun kagedwah ni bebley di Jerusalem hu nengiyayyaggud ni neitudun pettek tu et gibbuhen tu. Binaddangan idan bibi-in u-ungnga tu.

Nehemiah 3:9

Hi Rephaiah e u-ungngan Hur e ap-apun gedwan Jerusalem hu nengingunu daman pettek tu.

2 Kings 20:20

Emin ida impahding Hesekiah, yadda kinapya tu, ya binehwat tun et-eteng ni pan-emmungan ni danum, ya kina-utan tud dallem ni puyek ni nengipedalnan tun danum et umli etan di et-eteng ni bebley ey neitudek etan di Libluh idan Patul di Judah.

Isaiah 22:11

ey nengapya kayun et-eteng ni tangkih di nambattanan ni netuping ni luhud ni bebley, et pan-amungan yun danum ni kamelpud lebeng di nengin-ahpat. Huttan ida nandinelan yu, nem eleg kayu mandinel nan Apu Dios. Ey hi-gatu namplanuh dedangngu lan emin idan nuntan et han maipahding.

Isaiah 7:3

Nem kan Apu Dios nan Isaiah ey “Ikuyug mu eya u-ungngam e hi Shear Jashub et yu dammuen hi Ahas e patul. Immen di keltad ni kapangngunnuiddan kamengapyan balwasi etan di pappeg ni alak ni kadellanan danum ni kamelpud Lebeng di Ahpat.

Nehemiah 3:14

Hi Malkijah e u-ungngan Rekab e ap-apud Bet Hakkerem hu nengiyayyaggud nunman ni Eheb di appit ni kakelinnugin aggew. Ginibbuh tu et ikapya tu lekbi niya alladdu tu.

Joshua 15:58

Ya edum pay ni bebley da ey: Halhul, Bet Sur, Gedor,

Song of Songs 3:7

Ang-ang yu kedi! Daka pan-i-ali yuddungngan Solomon e ginuwalyaan ni na-nem ni ketultuledan ni sindalun Israel.

2 Chronicles 16:14

et ikulung dad kulung ni kinapya tud Bebley David. Inha-ad da annel tud uggippan ni neha-adan ni mebanglun lana et handa ikulung. Ey nan-apuy idan matbel ni apuy ni pengippeang-ang dan lispituh dan hi-gatu.

2 Chronicles 11:7

ya Bet Sur, ya Soko, ya Adullam,

1 Chronicles 2:45

e aman Maon. Nantanud hi Maon et wada hi Bet Sur.

Nehemiah 3:17

Yadda helag Levi hu nengiyayyaggud ni tu-lu tu e impappangngulun Rehum e u-ungngan Bani. Hi Hashabiah e ap-apun kagedwah ni bebley di Keilah hu nengiehneng ni bebley da et iyayyaggud tu hu neitudun ngunnuen da.

Ecclesiastes 2:6

Ey nampekapya-ak idan lebeng et alaken ku, et panenum kuddan nunman ni nangkeitnem.

Isaiah 22:9

Entanni mewan ey inang-ang yu e wada meiyayyaggud di netuping ni luhud ni Jerusalem et yu ang-angen ida nangkebahbah ni baballey et pambukalen yu et usalen yun mengiyayyaggud idan nunman ni nebahbah ni luhud. Ey ya impahding yun nan-amung ni danum,

Nehemiah 2:14

Nampalawwak mewan di Eheb e Kapan-ehhuli et yad Lebeng ni Patul nem endi pengippedlanak ni kebayyuk.