Nehemiah 2:7 - Keley-i Bible (Antipolo Ifugao)

⁷ Kangku mewan ey “Hedin anhan dammutu e apu patul, pengapya kan tudek ni nak iddawat idan gobernor idad probinsiya di appit ni kakelinnugin aggew di Wangwang e Euphrates ma-lat kayyaggud hu pandellanak lad bebley dan lawwak di Judah.

Nehemiah 2:7 Referans Kwoze

Ezra 7:21

Hi-gak e hi Artaserses ey i-olden ku e emin ida kamengnged ni pihhuh ni gubilnu winu treasurer di kebebbebley di appit ni kakelinnugin aggew di Wangwang e Euphrates ey iddawat da mahapul nan Ezra tep hi-gatu ey padi niya kamantuttuddun Tugun nan Dios di kabunyan.

Nehemiah 2:9

Wadadda impakilaw nan patul ni nengadwan hi-gak ni aap-apun sindalu tu niyadda sindalun nampangkebayyu ma-lat guwalyaan da-ak. Et lumawwak di appit ni kakelinnugin aggew di Wangwang e Euphrates et idwat ku tudek nan patul idan gobernor dadman.

Ezra 8:36

Impeki-la da etan neitudekan ni olden ni indawat nan patul ni hi-gada, et idwat daddan gobernor niya opisyal idan bebley di appit ni kakelinnugin aggew di Wangwang e Euphrates. Et bumaddang ida humman ni aap-apu ey oopisyal idan tutu-u et yaddad mahapul di Tempol Apu Dios.

Ezra 6:6

Et palaw nan Darius e patul hu tudek ni penummang tu. Kantuy “Huyya tudek kun hi-gam e Tattenai e gobernor idad bebley di Euphrates di appit ni kakelinnugin aggew, ey hi-gam e Sethar Bosenai et hi-gayuddan edum dan opisyal ditan ni probinsiya. Entan elaelaw yudman.

Ezra 8:22

Bimmaingngak et eleggak law an mambagan nan patul ni sindalun mekillaw ni mangguwalyan hi-gamid dalan, ma-lat endi hu lawah ni pehding ni buhul min hi-gami, tep inhel min hi-gatu e kammiy “Hi Dios mi ey makabbaddang idan tutu-un kamandeyyaw ni hi-gatu, nem nemahhig bunget tuddan tutu-un kamengiwwalleng ni hi-gatu.”

Nehemiah 3:7

Ya neitu-nud ni hi-gadan nengingunun tu-lu tu e dimmateng di baley ni gobernor di bebley di appit ni kakelinnugin aggew di Wangwang e Euphrates ey hi Melatiah di Gibeon, hi Jadon di Meronot, yadda lalakkin iGibeon niyadda iMispah.