Nehemiah 2:1 - Keley-i Bible (Antipolo Ifugao)

¹ Nelabah hu epat ni bulan et hakey ni aggew e kamengngan hi Artaserses e patul ey inlaw ku meinnum ni innumen tu. Endi tu nenang-angan ni hi-gak ni kaumlelemyung, ebuh ni nunya.

Nehemiah 2:1 Referans Kwoze

Ezra 7:1

Nelabah dakel ni toon et mampatul hi Artaserses di Persia ey wada hu tuun hi Ezra ngadan tu. Sinenten tu aammed tu ey nahlag nan Aaron e eta-gey ni padi: hi Ezra ey u-ungngan Seraiah e u-ungngan Asariah e u-ungngan Hilkiah, e u-ungngan Sallum, e u-ungngan Sadok, e u-ungngan Ahitub, e u-ungngan Amariah, e u-ungngan Asariah, e u-ungngan Meraiot, e u-ungngan Serahiah, e u-ungngan Ussi, e u-ungngan Bukki, e u-ungngan Abishua, e u-ungngan Pinehas, e u-ungngan Eleasar, e u-ungngan Aaron e eta-gey ni padi.

Nehemiah 1:11

Dengel mu anhan e Apu eya dasal ku, niya dengel mu dama dasal idan edum ni bega-en mun pinpinhed dan menaydayaw ni hi-gam. Baddangi muwak anhan et mambalin ni kabbabbal hi patul ni hi-gak ni nak pambeggaan ni baddang tu.” Yan nunyan tsimpuh ey hi-gak hu kamampaptek ni kainnuman patul.

Nehemiah 1:1

Huyyadda hu impahding ku e hi Nehemiah e u-ungngan Hakaliah ni intudek ku. Yan eman ni bulan ni Kisleb ni meikkadwampulun toon ni nampatulan Artaserses, ey wada-ak di Susah e nambebleyan idan ap-apudman ni bebley.

Esther 3:7

Yan eman ni meikkahampulut dewwan toon ni nampatulan Serses, ni nemangulun bulan ni Nisan ey immandal Haman e mambubunut ida et pengamtaan dan getud ni aggew niya bulan ni pengippahdingan dan nunman ni implanuh tu. Entanniy gintud da e yan meikkahampulut tellun aggew ni Adar e meikkahampulut dewwan bulan.

Ezra 7:7

Yan eman ni meikkeppitun toon ni nampatulan Artaserses hu inlian tu e ingkuyug idan edum dan helag Israel, yadda edum ni padi, yadda helag Levi, yadda kaman-a-appeh, yadda kamangguwalyan eheb, niyadda kamangngunnud Tempol.

Genesis 40:21

Ya etan kamampaptek ni meinnum ey impambangngad tud ngunu tun nunman ni aggew.

Genesis 40:11

Nakka tettengngeda etan basuh ni patul et pihpihen ku etan grapes di basuh et idwat kun patul.”

Daniel 9:25

Pakadngel mu et paka-awatan mu e meippalpun pengi-oldenan Apu Dios ni keiyayyaggudan ni Jerusalem ey melebbah hu na-pat et heyam ni toon et ya epat ni gatut et telumpulut epat ni toon et han umli etan patul ni sinudu tu. Meiyayyaggud alin emin hu keltad di Jerusalem niya meihhammad ali mewan law hu nanlinikweh ni batun luhud di diman e bebley. Nem nanengtun panlelehhanan idan tuu hu ligat da.

Ezra 4:7

Entanni mewan et mampatul hi Artaserses di Persia et mantudek ida humman ni buhul idan iJudah ni hi-gatu, e impappangngulud Bislam, hi Mitredat, hi Tabeel niyadda edum da. Inusal da Aramaic di tudek da et ibelin ni nemidbid nan patul.