Nehemiah 13:2 - Keley-i Bible (Antipolo Ifugao)

² tep eleg dadda idwatan ida helag Israel ni danum niya kennen eman ni nalpuan dad Egypt. Ya kumedek impahding da ey sinangdanan da hi Balaam et idutan tudda helag Israel, nem impambalin damengun Apu Dios humman ni idut ni panyaggudan da.

Nehemiah 13:2 Referans Kwoze

Deuteronomy 23:5

Nem ay eleg denglen Apu Dios e Dios yu hu imbagan Balaam. Impambalin anhan law Apu Dios e Dios yun bendisyon humman ni idut, tep et-eteng hu neminhed tun hi-gayu.

Matthew 25:40

Nem kangkullin hi-gaday ‘Hedin impahding yudda huyyan tuun kamengullug ni hi-gak, anin na-mun endi bilang da, ey heni hi-gak hu nengipahdingan yu.’

Micah 6:5

Nemnem yu e tutu-uk eman ni pemahbahan dakeyu-et nan patul di Moab e hi Balak e intu-dak tu hi Balaam e u-ungngan Beor ma-lat idutan dakeyu, nem impambalin kun panyaggudan yu hu impaeli tun hi-gayu. Niya nemnem yu hu nengipenaptekan dakeyu neipalpu eman ni nalpuan yud Sittim ingganah ni dintengan yud Gilgal. Huyya penang-angan yun hi-gak e Ap-Apu yu ey kamannananeng hu kayyaggud ni nakka pehding ni hi-gayu.”

Psalms 109:28

Et anin ni iddutan da-ak idan nunman ni buhul ku, et bendisyonan muwak kaya. Ey hedin mekihhanggaddan hi-gak, man babba-ingi mudda. Nem hedin hi-gak e bega-en mu ey man-am-amlengngak.

Numbers 23:18

Kan Balaam ey “Dengel mu e Balak e u-ungngan Sippor huyyan e-helek.

2 Peter 2:15

Inwalleng da hu kayyaggud ni elaw ni kamei-unnud di pinhed Apu Dios et ya hu elaw Balaam e u-ungngan Beor hu daka u-unnuda e ebuh hauhaul ni edum ni tuka pehpehding ma-lat pampihhuhan tudda.

Deuteronomy 23:3

Yadda iAmmon winu iMoab, anin idan u-ungnga da ingganah di meikkewwalun inap-apu da, ey eleg ida mabalin ni meki-emmung ni hi-gayun mandeyyaw nan Apu Dios,

Deuteronomy 23:4

Tep eleg dakeyu anhan idwatan ni kennen niya danum eman ni kayu kamengellin nalpuan yud Egypt. Nem sinangdanan da anhan law hi Balaam e u-ungngan Beor e iPethor di Aram Naharaim, et idutan dakeyu.