Nehemiah 11:4 - Keley-i Bible (Antipolo Ifugao)

⁴ Nem ida nambebley di Jerusalem hu edum ni helag Judah et yadda helag Benjamin. Yadda helag Judah ni an nambebley di Jerusalem ey: Hi Athaiah e u-ungngan Ussiah e u-ungngan Sekariah e u-ungngan Amariah e u-ungngan Sephatiah e u-ungngan Mahalalel e helag Peres,

Nehemiah 11:4 Referans Kwoze

Genesis 38:29

Nem entanniy ginuyud etan ni gelang hu ngamay tu et ya etan hakey hu nebukul ni neukat. Et kan etan ni biin nenaya “Hipa impahding mu et ka nebukul ni neukat?” Et ngadanan tun Peres.

Matthew 1:3

Nan-ahwad Judah nan Tamar et mawedad Peres nan Serah. Hi Peres hu aman Hesron. Hi Hesron hu aman Ram.

Ruth 4:18

Heninnuy hu tenten ni pewen da meippalpun Peres ingganah nan David. Nahlag hi Peres et hi Hesron. Nahlag hi Hesron et hi Ram e aman Aminadab. Nahlag hi Aminadab et hi Nashon. Nahlag hi Nashon et hi Salmon e aman Boaz. Nahlag hi Boaz et hi Obed. Nahlag hi Obed et hi Jesse e aman David.

Nehemiah 11:3

Hedin yadda edum ni helag Israel, yadda papaddi et yadda edum dan helag Levi, yadda kamampangngunnud Tempol, et yadda helag ni bega-en Solomon, ey nannaneng idad nampambebleyan dad Judah.

Nehemiah 11:5

hi Maaseiah e u-ungngan Baruk e u-ungngan Kolhoseh e u-ungngan Hasaiah e u-ungngan Adaiah e u-ungngan Joiarib e u-ungngan Sekariah e helag Selah.