Nehemiah 1:7 - Keley-i Bible (Antipolo Ifugao)

⁷ Nemahhig nanliwatan min hi-gam. Eleg mi u-unnuden ida intugun mu, yadda linteg mu niyadda edum ni mahapul ni u-unnuden min tugun mun indawat mu lan Moses e bega-en mu.

Nehemiah 1:7 Referans Kwoze

Daniel 9:11

Emin kamin helag Israel ey inwalleng midda tugun mu niya eleg mi pinhed ni dedngelen hu hipan muka-e-helan hi-gami. Nanliwat kamin hi-gam, et paelim ni hi-gami etan ida ligat niya kastigun intudek lan Moses e bega-en mu.

Daniel 9:13

Hinelheltap midda humman ni kastigun intudek lan Moses, nem anin ni yan nunya et nanengtun eleg mi ippahding ida etan kamengippeamleng ni hi-gam e Apu e Dios mi, tep eleg mi issiked ida etan lawah ni mika pehpehding ma-lat u-unnuden midda makulug ni tuttuddum.

Psalms 106:6

Nanliwat itsu e heni itsuddan eman ni aammed tayu, tep impahding tayu dama hu lawah.

Revelation 19:2

Dayaw tayu hi Apu Dios, tep makulug niya meandeng hu tuka penuwet. Binahbah tu humman ni bebley tep yadda tuudman hu himmulun ni nangkabngangan idan katuutuud kebebbebley. Em, kinastigun Apu Dios ida bimmebley diman tep pinetepetey dadda bega-en tu.”

Malachi 4:4

Mahapul ni nemnemen yu et u-unnuden yudda intuttudduk ni pehding yu niya Tugun kun indawat kun bega-en ku e hi Moses di Duntug e Sinai e humman ida hu u-unnuden yun emin ni helag Israel.

Sephaniah 3:7

Kangku ngu nem lispituhen da-ak law idan iJerusalem tep ya humman ni neipahding ni hi-gada et mengu-unnud ida law ni Tugun ku et eleg law mahapul ni kastiguen kudda mewan. Nem eleg, tep newa-wa ni nehileng ni impahding da ngu dedan hu lawah ni daka pehpehding.

Hosea 9:9

Nemahhig hu kalinewah yu e heni kayudda lan iGibeah. Nem eleg liwwanan Apu Dios hu liwat yu. Et humman hu, nanna-ud ni kastiguen dakeyun hi-gatu.

Ezra 7:6

Huyyan hi Ezra ey mittuduh ni nekangngamtan Tugun ni indawat ni Ap-Apu e Dios idan helag Israel nan Moses. Immalid Jerusalem e nalpud Babilon et idwat nan patul ni hi-gatu emin ni hipan imbagetu. Et-eteng ni bendisyon Ap-Apu e Dios nan Ezra et mukun kabbabbal etan patul ni hi-gatu.

2 Chronicles 27:2

Kayyaggud ida impahding tu e kamengippeamleng nan Apu Dios, henin ametu hi Ussiah, nem eleg ngu humgep di Tempol ni mengihheb ni insensoh. Nem yadda ngu tutu-u ey intultuluy dan impahding hu lawah.

2 Chronicles 25:4

Nem eleg tu papetey ida u-ungnga da tep inu-unnud tu hu olden Apu Dios ni neitudek di Tugun Moses e kantuy “Beken ni lebbeng tun mettey hu a-ammed tep ya nambahulan ni u-ungnga tu niya beken ni lebbeng tun mettey hu u-ungnga tep ya nambahulan ni a-ammed tu. Tep ya hakey ni tuun nambahul ey hi-gatu mettey tep ya nambahulan tu.”

1 Kings 2:3

niya ipahding mun emin hu pinhed Apu Dios ni pehding mu. Peka-u-unnud mu hu tugun tu niya olden tun wada etan di Tugun Moses, et anin ni attu lawwam niya hipa pehding mu ey kayyaggud emin hu mekapkapya.

Deuteronomy 6:1

Negibbuh ni inhel Moses emin hu Tugun Apu Dios, et kantudda etan ni tuu ey “Huyyaddan emin hu tugun Ap-Apu e Dios yun inhel tun ituttudduk ni hi-gayun u-unnuden yud yu pambebleyan,

Deuteronomy 5:1

Inemung Moses ida etan tuu et kantun hi-gaday “Pakadngel yun emin ida eya Tugun Apu Dios ni e-helen kun hi-gayun nunya, ma-lat amtaen yudda et u-unnuden yu.

Deuteronomy 4:5

Intuttudduk ni hi-gayudda hu Tugun Apu Dios e Dios kun u-unnuden yun ingaganah di bebley ni yu hehgepen et pambebleyan yu.

Deuteronomy 4:1

Kan Moses idan tutu-uy “Pekadngel yudda eya ittugun kun hi-gayu, ey u-unnud yudda ma-lat eleg kayu matey et kayu mambebley di inhel Apu Dios e Dios ida lan aammed tayun iddawat tun hi-gada.

Leviticus 27:34

Huyyadda intugun Apu Dios nan Moses di Duntug e Sinai ni ittugun nan Moses idan helag Israel.

Isaiah 1:4

Hi-gayun helag Israel ey nanna-ud ni mekastigu kayu, tep nakalliwtan kayu niya ebuh lawah ni yuka pehpehding! Inwalleng yu hi Apu Dios niya nginhay yu hu Kayyaggud ni peteg ni Dios yu.

Psalms 89:32

ey kastiguek ida tep ya liwat da et panlelahhanan da.