Nehemiah 1:1 - Keley-i Bible (Antipolo Ifugao)

¹ Huyyadda hu impahding ku e hi Nehemiah e u-ungngan Hakaliah ni intudek ku. Yan eman ni bulan ni Kisleb ni meikkadwampulun toon ni nampatulan Artaserses, ey wada-ak di Susah e nambebleyan idan ap-apudman ni bebley.

Nehemiah 1:1 Referans Kwoze

Sekariah 7:1

Yan eman ni meikka-pat ni aggew ni meikkahyam ni bulan e Kislev ni meikka-pat ni toon ni nan-ap-apuan Darius ey immehel hi Apu Dios ni hi-gak.

Nehemiah 10:1

Hi-gak e hi Nehemiah e gobernor e u-ungnan Hakaliah hu hakey ni nampilma.

Daniel 8:2

Yad i-innep ku ey wada-ak kumangngud Susa, e neluhud ni et-eteng ni bebley di probinsiya di Elam. Et nak kumangngu kaman-eh-ehneng etan di gilig ni wangwang di Ulai

Ezra 7:7

Yan eman ni meikkeppitun toon ni nampatulan Artaserses hu inlian tu e ingkuyug idan edum dan helag Israel, yadda edum ni padi, yadda helag Levi, yadda kaman-a-appeh, yadda kamangguwalyan eheb, niyadda kamangngunnud Tempol.

Esther 3:15

Et humman ni olden nan patul ey neipeamtan emin ni katuutuud Susa niya neiwatwat di kebebbebley humman ni neitudek. Kamakallinggep di Haman nan Serses e patul ni kamakayyuyyuddung niya mengi-innum ey immen ida katteg hu tutu-ud Susa ni kaman-al-alingangnga e eleg da amta hedin hipa pehding da.

Nehemiah 2:1

Nelabah hu epat ni bulan et hakey ni aggew e kamengngan hi Artaserses e patul ey inlaw ku meinnum ni innumen tu. Endi tu nenang-angan ni hi-gak ni kaumlelemyung, ebuh ni nunya.

Ezra 10:9

Et yan nedatngan ni meikkatlun aggew e yan nunman hu meikkadwampulun aggew ni meikkahyam ni bulan ey neamung idan emin hu lalakkin helag Judah et yadda helag Benjamin di Jerusalem, et yumudung idad dallin ni Tempol Apu Dios. Nemahhig takut da tep importanteh ni peteg hu inlian da ey ida kamanggegeygey tep nemahhig hu udan.

Nehemiah 5:14

Yan hi-gak hu gobernor di Judah ni hampulut dewwan toon e meippalpun meikkadwampulun toon ni nan-ap-apuan Artaserses ingganah ni meikkatelumpulut dewwan toon ni nan-ap-apuan tu, ey endi kinan middan edum kun kennen ni lebbeng tun meidwat ni hi-gak e gobernor.