Nahum 3:8 - Keley-i Bible (Antipolo Ifugao)

⁸ Kaw kanyun iNineveh nem kekkeddukdul ni melinggep kayu nem yadda tutu-ud Tebes? Ya hanin bebley da ey ya etan Wangwang e Nile. Linikweh ni danum hu bebley da et heni humman luhud da.

Nahum 3:8 Referans Kwoze

Amos 6:2

Yu ang-ang hu neipahding ni bebley di Kalneh, yad Hamat e et-eteng hu kabaelan tun bebley niyad Gath di Pilistia. Anin ni kantu et e-etteng kabaelan yu nem yadda humman ni bebley, et mebahbah kayu dama.

Jeremiah 25:19

Huyya listaan idan edum ni imminum ni nak intaug: ya patul di Egypt, yadda opisyal tu, yadda ap-apu tu, yadda bimmebley niyadda nekibebley diman, emin ida patul di Us, yadda patul idad etta-teng ni bebley di Pilistia e Askelon, Gaza, Ekron, yadda tutu-un natdaan di Asdod, yadda tutu-ud Edom, yad Moab, yad Ammon, ey emin ida patul di Tyre et yad Sidon, emin ida patul di bebley di kad-an ni Baybay e Mediteranean, yadda tutu-ud etta-teng ni bebley di Dedan, yad Tema, yad Bus, emin ida impesikkey da bewek da, emin ida patul di Arabia, emin ida patul di bebley ni neihnup di eleg mebebleyi, emin ida patul di Simri, yad Elam yad Media, emin ida patul di bebley di appit ni north, yadda bebley ni nangkeihnup diman, niyadda katuutuud kebebbebley eyad puyek. Imminum idan emin nunman ni intaug kun kamei-ellig ni meinnum ni panhelheltapan. Ya manggillig ni um-inum ey ya patul di Babilon.

Jeremiah 46:12

Yadda keka-ka-letan ni sindalu yu ey metu-liddad edum da et metu-lidda law ni dewwa. Mandingngel alid kebebbebley hu meippanggep ni nebabba-ingan yu niya pampehemmehemmekan yu.

Ezekiel 29:15

Yad nan-ap-apuan idan aap-apu dadda ey humman idalli hu kekakkappuyan ni emin eyad ta-pew ni puyek et endilli law hu kabaelan dan umpiliw ni edum ni bebley ey eleg dalli law hu kabaelan ni pambalin hu edum ni bebley ni mengu-unnud ni pinhed da.