Matthew 8:32 - Keley-i Bible (Antipolo Ifugao)

³² Kan nan Jesus ni hi-gaday “Lakkayuy.” Et lumaw ida et maihuklung idad killum. Ey bimmesik humman idan killum di nansigging ni duntug et yumepah idad baybay et mangkalsing ida.

Matthew 8:32 Referans Kwoze

Mark 5:13

Inebulut Jesus et palaw tudda etan idad killum, ey kabsik ida et dumep-ah ida etan di eta-gey ni deplah et mangkalsing idad baybay. Ya bilang idan nunman ni killum ey umlaw di dewwan libu.

Revelation 20:7

Meibbukyat hi Satanas hedin melebbah hu hanlibun toon, et tu taggan haul ni katuutuud kebebbebley e humman idan bebley hu mengeddanan ni Gog niya Magog, tep lawah hu elaw da. Tuddalli pan-emmungen hu tutu-udman et ida makigubat. Eleg idalli mebillang, tep heniddan kadinakkel ni palnah di gilig ni baybay.

Acts 4:28

Ya kakulugan tu ey neipahding huyyan neiunnud di planuh mu dedan ni meippahding.

Acts 2:23

Nem impapetey yu huyyan hi Jesus idan tuun nangkeliwtan e impatak dad krus, nem inamta dedan Apu Dios humman ni impahding yu, tep humman hu planuh tu.

Luke 8:33

Et ma-kal ida etan ni tuu et man-etan idadda etan di killum. Pinhakkeyey nambesik ida etan killum et dumep-ah idad deplah et mangkalsing idad baybay.

1 Kings 22:22

Kan Apu Dios ey ‘Hipa pehding mu?’ Kan etan ni ispirituh ey ‘Umlawwak et nak pan-itek idan emin prophet Ahab.’ Kan Apu Dios ey ‘Lakkay, et nanna-ud ni mehe-ul.’

Matthew 8:31

et mampehemmehemmek ida etan dimonyoh nan Jesus et kanday “Hedin e-kalen dakemi, palaw dakemidda eman di killum et hi-gada hu mi keihhuklungan.”

Matthew 8:33

Yadda kamampaptek idan nunman ni killum ey bimmesik idad bebley et da ehlen ni emin hu neipahding etan idan tuun nehuklungan ni dimonyoh.