Matthew 5:35 - Keley-i Bible (Antipolo Ifugao)

³⁵ Ey entan tu isapatah di puyek tep yadman hu heni kapengiddahyayin Apu Dios ni heli tu. Niya entan tu isapatah di Jerusalem tep humman bebley etan ni eta-gey ni Patul.

Matthew 5:35 Referans Kwoze

Psalms 48:2

Humman ni Duntug e Zion ey eta-gey ey kakkayyaggud ni peteg hu ang-ang tu, et humman hu, ida kaum-amleng hu katuutuud kebebbebley hedin inang-ang da. Yadman hu nambebleyan etan ni Keta-ta-geyyan ni Patul.

Revelation 21:10

Pinhakkey mewan ey inlaw da-ak etan ni anghel di tuktuk ni eta-gey ni duntug et itudu tun hi-gak hu Jerusalem e bebley tun kamangkelpullid kabunyan.

Malachi 1:14

Kastiguen kudda hu kamengi-appit ni hi-gak ni endi silbi tun animal e anin ni wada dedan hu kayyaggud ni animal dan inhel dan i-appit dan hi-gak, et beken humman ni daka i-appit. Tep nandingngellak ni patul niya kametekkuti ngadan kud kebebbebley, nem ay eleg yuwak ni-ngangu lispituha. Hi-gak e Ap-Apu e Kabaelan tun emin hu nanghel nunya.”

2 Chronicles 6:6

Nem yan nunya ey pinilik hu Jerusalem ni penaydayawan dan hi-gak ey hi-gam e David hu pinutuk kun man-ap-apu eyaddan tuuk.’”

Revelation 21:2

Inang-ang kun nalpullid kabunyan hu kakkayyaggud ni bebley nan Apu Dios e humman hu baluh ni Jerusalem. Neka-iyyayyaggud nan Apu Dios humman ni bebley et heni law biin nambalwasin mangkasal.

Psalms 99:5

Daydayaw tayu hu Ap-Apu e Dios tayu. Pandukkun itsud hinangga tu, tep hi-gatu hu kayyaggud ni peteg.

Psalms 87:2

Nakappinhed tu humman ni bebley nem yadda etan edum ni bebley di Israel.

Isaiah 66:1

Kan Apu Dios ey “Yad kabunyan hu nakka yuddungin man-ap-apu ey yad puyek hu nakka pengiddahyayin helik. Hipa humman ni baley ni kapyaen yun nak pambelleyan? Kaw pakekapya kayu makkaw ni panha-adak?

Matthew 5:36

Entan tu ehel hu ‘Anin metteyyak’ hedin wada issapatah yu, nem idinel yu hi Apu Dios, tep endi kabaelan yun an pambalin ni mablah winu andeket hu anin hakey ni bewek.

Acts 7:49

Inhel Apu Dios e kantuy ‘Yad kabunyan hu yuddungan kun man-ap-apu et yad puyek hu pengiddahyayan kun helik. Hipa huttan ni baley ni kapyaen yun nak pambelleyan? Kaw pakekapya kayun panha-adan ku?