Matthew 5:14 - Keley-i Bible (Antipolo Ifugao)

¹⁴ Kayu kamei-ellig di dilag e tuka bebnangi engeenget tep hi-gayu hu kapengi-ang-angin tuun kayyaggud ni elaw. Ya kayyaggud ni elaw yu ey kamei-ellig etan ni neimuttag ni bebley di ta-pew ni duntug e kameka-ang-ang.

Matthew 5:14 Referans Kwoze

Philippians 2:15

ma-lat endi pambehhulan yu niya endi lawah ni mee-ehhel ni hi-gayu. Et hi-gayu keang-angan ni makulug ni u-ungngan Apu Dios e heni kayu bittuwen ni kaumbenang, tep hin-appil hu elaw yud elaw idan lawah ni tuun neipngil hu daka pannemnem.

John 8:12

Entanni ey an nantuttuddu mewan hi Jesus di Tempol et kantuy “Hi-gak etan kamei-ellig ni dilag ni kamemnang ni engeenget. Ya etan tuun mengiddinnel ni hi-gak et u-unnuden tuwak ey meweddan hi-gatu hu biyag ni endi pappeg tu.”

1 Thessalonians 5:5

Tep emin itsun kamengullug ey heni itsu wadad kawwalwal et inamta tayu huyyan meippahding tep tuu daitsun hi-gatun pinili tun mengippahding ni kayyaggud, beken ni ya lawah.

Proverbs 4:18

Nem hedin ya elaw ni kayyaggud ni tuu, ey henin tuka kewa-wai e lektattuy nabnangan ni emin et kamaka-ang-ang, nema-ma hedin maka-aggew.

John 12:36

Et mukun kangkuy yan nunyan wada-ak ni memnang ni hi-gayu ey pangulug kayun hi-gak ma-lat mabnangan kayu. Ya pengullugan yuwak ey panyaggudan ni elaw yu et henin elaw ku.” Inhel Jesus huyya ey hini-yan tudda et eleg mampeang-ang ni hi-gada.

2 Corinthians 6:14

Entan pakidagyum yuddan eleg mengullug nan Jesus, tep eleg mabalin ni man-unnud hu kayyaggud niya lawah ey ya kawwalwal niya engeenget.

John 5:35

Hi John la ey kamei-ellig etan di makaddilag ni dilag, tep impeamta tun hi-gayu hu meippanggep ni hi-gak ey kayu kaman-am-amleng, nem nekemtang ni ebuh.

Revelation 1:20

Yadda etan pitun heni bittuwen ni inang-ang mud wannan ku ey humman ida etan pitun anghel ni nei-peng di pitun simbaan. Yadda etan pitun kapengippettukin kengkeh ey humman ida kamengullug etan di pitun simbaan.”

John 9:5

Ya eyan wada-ak di puyek ey kamei-ellig ni bebnangan ku nemnem ni tuu ma-lat amtaen da hu makulug.”

Revelation 2:5

Kele ma-nun nunman tep kayyaggud elaw yu? Nemnem yu tep et-eteng humman ni liwat yu. Pantuttuyyu kayu et ya kayyaggud ni elaw yun nunman hu pannananeng yun pehpehding. Tep hedin eleg yuwak u-unnuda, man um-ali-ak ali et nak e-kalen etan kapengippettukin kengkeh yu.

Ezekiel 5:5

Kan mewan Apu Dios e Eta-gey ni peteg ey “Impambalin ku hu Jerusalem ni keim-importantehan ni bebley eyad puyek et tettebalin alin tutu-ud edum ni bebley.