Matthew 23:19 - Keley-i Bible (Antipolo Ifugao)

¹⁹ Heni kayu tu-wangu nekulap. Beken ni nebalbalol hu meidwat nan Apu Dios nem ya hu altar. Nebalol ni ebuh etan meidwat nan Apu Dios tep wadad altar.

Matthew 23:19 Referans Kwoze

Exodus 29:37

Pitun aggew hu pengippahdingan yuddan nunya. Hedin negibbuh ey neieng-eng law ni pan-appitan humman ni altar, et emin hu meittummuk diman ey mei-eng-eng nan Apu Dios.”

Exodus 30:29

Duyagim ni lana ida huyya et mei-eng-eng idan hi-gak. Ey emin ida meittummuk idan nunya ey mei-eng-eng idan hi-gak.

Haggai 2:12

Hedin inggukuh ni hakey ni tuu detag ni neieng-eng nan Apu Dios et neitumuk humman ni balwasid sinapay, winu nelutun kennen, winu meinnum, ya lanan olibah winu kumpulmih ni hipan mekkan, ey kaw dammutun mambalin ida dama humman ni neitumukan ni balwasin neieng-eng?” Imbage tuddan padi huyya ey hinumang da e kanday “Eleg!”

Matthew 23:17

Nem neipngil humman ni yuka ittenuttuddu! Ka-ila endi tu-wangu inamta yu. Eleg yu han-awat, tep heni kayu nekulap. Kele yuka pehebballi balituk nem ya hu Tempol? Ya etan balituk ey nebalol ni ebuh tep wadad Tempol.

Matthew 23:18

Yu pay kaituttuddu e kanyuy hedin wada issapatah etan ni tuu, ey yad altar hu pengissapatahan tu, man anin eleg tu peamnu et eleg manliwwat. Nem hedin yad etan di meidwat nan Apu Dios hu pengissapatahan tu, ey mahapul ni peamnu tu hu insapatah tu, tep hedin eleg tu ippahding ey manliwwat.

Matthew 23:20

Hedin yad altar hu pengissapatahan ni tuu, ey beken ni ebuh di altar hu nengisapatahan tu, nem insapatah tu daman etan idan wadad altar, et mahapul ni peamnu tu.