Mark 14:39 - Keley-i Bible (Antipolo Ifugao)

³⁹ Limmaw mewan et an mandasal nan Apu Dios ey humman mewan hu indasal tu.

Mark 14:39 Referans Kwoze

2 Corinthians 12:8

Nampitlu nengidasalan kun Apu Jesus ma-lat ekalen tu huyyan ligat ku.

Matthew 6:7

Hedin mewan mandasal kayu, entan tu ipenidwan e-helen hu endi silbitu, henin kapehding idan tuun eleg mengullug nan Apu Dios. Kanda na-mu nem peamnun Apu Dios hu dasal da tep andukkey daka pandasal.

Luke 18:1

Huyya intuttuddun Jesus idan disipol tu ma-lat eleg ida uminglay ni mandasal.

Mark 14:38

Kantu pay ni hi-gaday “Ebuh kaugip yu, nem pandasal kayu ma-lat eleg kayulli maheul ni manliwwat. Inamtak e pinhed yun mengu-unnud, nem kulang hu kabaelan yu.”

Mark 14:40

Et mambangngad ey neugip ida mewan etan disipol tu, tep eleg dan hekey han-isipel ugip da. Bimmangun ida ey eleg da amta e-helen dan hi-gatu.

Hebrews 5:7

Yan kawedan Jesus di puyek, ey nemahhig ni in-anteng tu dasadasal nan Apu Dios. Inlet tu dasal tu niya limmewalewan tuka pandasali, tep amta tun wada kabaelan Apu Dios ni menellaknib ni hi-gatud ketteyyan tu. Inebulut Apu Dios hu dasal tu tep impebabah tu annel tun nengu-unnudan tun Apu Dios.