Luke 9:55 - Keley-i Bible (Antipolo Ifugao)

⁵⁵ “Apu, kaw pinhed mu et ibega min Apu Dios et legaben tu humman ni bebley?” Nem inwingin Jesus ey ibunget tudda.

Luke 9:55 Referans Kwoze

Revelation 3:19

Emin ida etan nakappinhed ku ey nak ida kaibbunget niya nak ida katugguna. Et humman hu, pinhed kun mantuttuyyu kayun liwat yu et dengelen yu tugun ku.

1 Peter 3:9

Anin ni wada pehding dan hi-gayun lawah niya pel-itan dakeyu et entan tu ibleh. Ya kayyaggud ni emin hu peang-ang yu, anin lawah daka pehpehding ni hi-gayu, tep hi-gayu hu pinilin Apu Dios ni mengippeang-ang ni kayyaggud. Et hakey alin aggew ey iddawtan dakeyun Apu Dios ni panyaggudan yu.

Job 26:4

Hipa ni-ngangu nangngelan muddan nuntan ni kakkayyaggud ni tugun? Hipa kan linnawan immehel ni hi-gam?

Job 2:10

Himmumang hi Job ey kantuy “Hipa huttan ni muka pan-e-hela? Hedin tayu kaebbuluta hu kayyaggud ni kaiddawat nan Apu Dios ni hi-gatsu, ey mahapul ni ebbuluten tayu dama hu ligat ni tuka peelli.” Endi an inhel Job ni lawah nan Apu Dios, anin ni neipahding ida emin huyyan ligat ni hi-gatu.

Matthew 26:51

Inuknut etan ni hakey ni disipol Jesus hu ispadah tu, et palngen tu hu tangila etan ni bega-en ni Eta-gey ni Padi.

Matthew 26:41

Ebuh kaugip yu niya pandasal kayun Apu Dios ma-lat eleg kayulli maheul ni manliwwat. Ma-nu nemnem yu tep pinhed yun u-unnuden hu nakka e-hela, nem eleg han-pahding ni annel yu hu wadad nemnem yu.”

Matthew 26:33

Kan Peter nan Jesus ey “Anin ni hi-yanen dakadda eyan edum tep ya mekapkapyan hi-gam et eleg daka ngu hi-yanan hi-gak.”

Matthew 16:23

Nem inligguh nan Jesus nan Peter et kantuy “A-allaw kad kad-an ku. Heni ka hi Satanas e ap-apun lawah. Ya pinhed mu ey i-e-leg mu hu mahapul ni meippahding ni hi-gak. Nemnem tu-wangun tuu hu nemnem mu, beken ni henin nemnem nan Apu Dios.”

Jeremiah 17:9

Ya nemnem ni tuu ey kaumhaul ni peteg niya eleg mebellin ni mehullulan elaw tu. Endi tuun han-awat tu humman.

Proverbs 9:8

Et humman hu, entan tu eheli hu tuun eta-gey tuka pannemnem ni annel tu tep anggebe-helen daka kumedek. Nem hedin ya nenemneman ni tuu e-helam, ey lispituhen daka anhan law.

Job 42:6

Et humman hu, nakka umbaing niya nakka mantuttuyyu et deh e nakka manyuyyuddung di dep-ul ma-lat peang-ang ku e nakka mantuttuyyu.”

2 Samuel 19:22

Nem hinumang David et kantuddad Abishai nan Joab ey “Nehalman kayu anhan tu-wangu! Eggak pinhed hu hannitan. Endi tayu pepettey tep man-am-amleng itsun nunya tep hi-gak hu patul mewan di emin di deya Israel.”

James 3:10

Hi-gayuddan agik, lawah hedin ussalen tayu hu bungut tayun penaydayaw tayun Apu Dios, ey ussalen tayu mewan ni menghel ni lawah meippanggep ni edum tayun tuu. Hi-gayuddan agik, etan tu ipahding hu hanniman, tep beken huyyan elaw ni pinhed Apu Dios.

John 16:9

Peamta tun hi-gada e ya liwat da ey ya eleg da pengullugin hi-gak.

Luke 9:54

Yan nengngelan idan disipol tu e di James nan John ni nunya, ey kanday

Luke 9:56

Et mampalaw ida etan di hakey ni bebley.