Luke 6:46 - Keley-i Bible (Antipolo Ifugao)

⁴⁶ Kele kanyuy hi-gak hu Apu yu ey eleg yu u-unnuda hu nakka ittugun?

Luke 6:46 Referans Kwoze

Malachi 1:6

Kan Apu Dios e Kabaelan tun emin idan padi ey “Ya u-ungnga ey tuka lispituha ametu. Hanniman dama hu bega-en e tuka lispituha hu kan bega-en ni hi-gatu. Ey hedin hi-gayu, man hi-gak hu ameyu niya apu yu, nem eleg yuwak lispituha. Nginhay yuwak. Nem kanyuy ‘Hipa inna-nu min nangngehay ni hi-gam?’

Galatians 6:7

Entan kaheul yu et eleg yu panghel ey dammutun he-ulen yu hi Apu Dios et eleg kayu mekastigu hedin wada ippahding yun lawah, tep ya lawah ni kapehpehding ni tuu ey lawah mewan hu pambalinan tu. Nem hedin ya kayyaggud hu kapehpehding ni tuu, ey kayyaggud dama hu pambalinan tu. Tep inamta tayu e ya intanem ni hakey ni tuu ey humman hu ennien tu.

Matthew 25:44

Hummangen dalli dama et kanday ‘Apu, kaw pigan tu nenang-angan min hi-gam ni neupa, niya na-wew, niya eleg mu pambalwasian, niya nandedgehan mu, niya neikelabutan mu ey eleg daka ipaptek? Niya pigan tu hu inliam ey eleg daka ayagan di baley mi?’

Matthew 25:24

Entanni ey immali etan neidwatan ni hanlibun pihhuh et kantun apu tuy ‘Inamtak e mabunget kan tuu. Muka ella hu nan-aatuan ni edum mun tuu, et humman hu ingkedangyan mu.

Matthew 25:11

Entanni ey dimmateng ida dama etan eleg menemneman ni bii ey neilekbi et kanday ‘Apu, ibeghul mu anhan.’

James 1:22

Ya ehel Apu Dios ey mahapul ni unnuden yu, beken ni yu deddengngelen ni ebuh. Tep hedin eleg yu u-unnuda, man ya ngu annel yu hu yuka he-ula.