Luke 6:2 - Keley-i Bible (Antipolo Ifugao)

² Kan idan edum ni Pharisee ey “Kele kayu pimma-sing ni pagey ey pi-yew tep Sabaduh?”

Luke 6:2 Referans Kwoze

Matthew 12:2

Inang-ang idan Pharisee et kandan Jesus ey “Ang-ang mudda kedi eya disipol mu, kele ida kamema-sing ni pagey ey pi-yew tep Sabaduh?”

John 5:16

Et nemahhig bunget idan Jews nan hi Jesus tep Sabaduh hu nengipahdingan tun nunya.

Mark 2:24

Inang-ang idan Pharisee et kandan Jesus ey “Ang-ang mudda kedi eya disipol mu, kele ida pimma-sing ni pagey ey pi-yew tep Sabaduh?”

Luke 5:33

Kandan hi-gatuy “Kele yadda disipol John et yadda Pharisee ey ida kamantetpel ni daka pandaydayawin Apu Dios, ey hedin yadda ngu disipol mu ey eleg ida mantetpel?”

Isaiah 58:13

Kan mewan Apu Dios ey “Hedin pinhed yun meihhammad hu pekiddagyuman yun hi-gak, ey u-unnud yu etan tugun ni meippanggep ni Sabaduh et beken ni ya pan-am-amlengan yu hu pehebballi yun pehding. Ya pinhed kun ippahding yu, henin nakka pehding, ey ibilang yun importanteh humman ni aggew nem yadda etan edum. Et humman hu, lispituh yu humman ni aggew ma-lat beken ni ya legelegem hu yu enab-abigen, niya beken ni ya ngunu yu, niyadda etan edum ni pinhed yu hu ippahding yu. Hedin hanniman hu pehding yu, man nannana-ud ni bendisyonan dakeyun hi-gak et pambalin dakeyun metbal di kebebbebley, niya pebeltan kun hi-gayu etan puyek ni indawat kun eman ni ammed yu e hi Jacob. Hi-gak ni Ap-Apu hu nanghel ni nunya.”

Exodus 35:2

Yan hanlingguan ey enem ni aggew pangngunnuan yu. Ey yan meikkeppitun aggew e Sabaduh ey man-iyatu kayu tep humman ni aggew ey neieng-eng nan Apu Dios. Yadda eleg mengu-unnud et mangngunnuddan nunman ni aggew ey mettey ida.

Exodus 31:15

Tep wada enem ni aggew ni pengingunnuan yun emin ni ngunu yu, nem yan meikkeppitun aggew e Sabaduh e pan-iyatuan yu ey nakka ngillina. Et humman hu, hedin wada kahing et mangngunnun nunman ni aggew, mahapul ni mettey.

Exodus 22:10

Hedin impapekan ni hakey ni tuu hu animal tud sinakdul tu nem entanni ey netey, winu neliputan winu netakew nem endi nenang-ang ni mengi-hel ni makulug ni neipahding, mahapul ni umlaw etan nengipaptek et an mansapatah nan Apu Dios e endi lawah ni impahding tu etan ni animal.

Matthew 15:2

“Kele hedin yadda disipol mu, man eleg da u-unnuda hu elaw idan aammed tayun nunman e mahapul ni mambullu ni han nengan?”