Luke 4:8 - Keley-i Bible (Antipolo Ifugao)

⁸ Nem hinumang mewan nan Jesus et kantuy “Ya neitudek di ehel Apu Dios ey kantuy ‘Ebuh hi Apu Dios ni dayaw yu niya hi-gatun ebuh hu u-unnud yu.’”

Luke 4:8 Referans Kwoze

Deuteronomy 6:13

Hi Ap-Apu e Dios yun ebuh hu u-unnud yu niya daydayaw yu, ey yad ngadan tun ebuh pansapatahi yu.

Deuteronomy 10:20

Takusi yu hi Apu Dios e Dios yu ey pansilbi kayun hi-gatu. Hi-gatu dayaw yu ey u-unnud yu niya isapatah yud ngadan tun ebuh.

Matthew 4:10

Nem kan Jesus ni hi-gatuy “Satanas, a-allaw ka, tep neitudek di ehel Apu Dios e kantuy ‘Ebuh hi Apu Dios ni dayaw yu niya hi-gatun ebuh hu u-unnud yu.’”

Revelation 19:10

Nandukkunnak di hinangga tun menaydayaw ni hi-gatu, nem kantuy “Entan tuwak dayaw. Hi Apu Dios hu dayaw mu. Tep bega-en nak daman ebuh e henin hi-gam niyadda agim ni kamengu-unnud ni makulug ni impeamtan Jesus. Ya tayu kapengippeennamtain meippanggep nan Jesus Christo hu nengamtaan tayuddan mekapkapyallin hakey ni aggew.”

Psalms 83:18

Em, ipahding mudda huyyan hi-gada ingganah ebbuluten dan hi-gam ni ebuh hu Apu, e Keta-ta-geyyan ni Dios niya Ap-apun emin eyad puyek.

Revelation 22:9

Nem kantuy “Entan tuwak dayaw tep nan-ingngeh ita e bega-en nan Apu Dios henidda etan ni agi tayuddan prophets niyaddan emin etan kamengullug ni ehel tun neitudek eyad libluh. Hi Apu Dios hu daydayaw mu.”

James 4:7

Et humman hu, mahapul ni u-unnud yu hi Apu Dios ma-lat eleg yu ipahding hu lawah. Entan tu u-unnud hu pinhed Satanas hedin tuka ipatpatnan menuttullun ni hi-gayun mengippahding ni lawah, nem kahing yu et uma-allaw kaya.

Luke 4:4

Nem hinumang Jesus et kantuy “Ya neitudek di ehel Apu Dios ey kantuy ‘Beken ni ya kennen ni ebuh hu iddinel ni tuun ketegguan tu.’”

1 Samuel 7:3

Kan Samuel ni hi-gada ey “Hedin makulug ni hi Apu Dios hu pengikkahhakeyan yu law ni yuka pandeyyaw, ey mahapul ni paka-u-unnud yu niya iwalleng yudda etan wadan hi-gayun dios ni edum ni bebley, anin etan kinapya yun dios yun bii e hi Astoret. Idinel yu biyag yun Apu Dios, ma-lat ihwang dakeyuddad iPilistia.”

1 Peter 5:9

Ihammad yu hu yuka pengullug ma-lat wada kabaelan tayun menanggan Satanas, tep inamta yu e anin ida edum tayun kamengullug di kebebbebley et da dama kapanligligasi hu kapehding Satanas ni hi-gada.

Matthew 16:23

Nem inligguh nan Jesus nan Peter et kantuy “A-allaw kad kad-an ku. Heni ka hi Satanas e ap-apun lawah. Ya pinhed mu ey i-e-leg mu hu mahapul ni meippahding ni hi-gak. Nemnem tu-wangun tuu hu nemnem mu, beken ni henin nemnem nan Apu Dios.”

Isaiah 2:11

Medettengan ali aggew ni meibbabah ida kamampahhiyan tutu-u ma-lat hi Apu Dios dedan hu medeyyaw.

2 Kings 19:15

et mandasal e kantuy “Apu Dios e Kabaelan tun emin e Dios ni Israel ni yimmudung ni man-ap-apud ahpat ni kad-an idan anghel, hi-gam ni ebuh hu Dios. Hi-gam ni ebuh Ap-apun emin idan nan-ap-apuan di kebebbebley eyad puyek. Hi-gam ni ebuh nanletun kabunyan et ya puyek.

Luke 4:7

Hedin hi-gak hu daydaywen, man iddawat kun emin humman ni hi-gam.”