Luke 4:37 - Keley-i Bible (Antipolo Ifugao)

³⁷ Et mandingngel hu meippangep nan Jesus di kebebbebley di nanlinikweh diman.

Luke 4:37 Referans Kwoze

Luke 4:14

Entanni et mambangngad hi Jesus di provincia di Galilee ey newadan hi-gatu et-eteng ni kabaelan ni indawat ni Ispirituh Apu Dios et mandingngel di kebebbebley diman gapuh idan intuttuddu tu niya impahding tu.

Mark 6:14

Hi Herod e patul di Galilee ey dingngel tun emin ida huyya, tep nandingngel hi Jesus et ya tuka pehpehding. Kan idan edum ni tuu ey “Hi-gatu la eman hi John e kamemenyag, nem netagwan et mukun han-ipahding tu hu miracle.”

Mark 1:28

Et humman hu, anggegannu ey nandingngel hi Jesus di kebebbebley di Galilee.

Matthew 9:26

Nandingngel di kebebbebley diman huyyan impahding Jesus.

Isaiah 52:13

Kan Apu Dios ey “Kayyaggud ali pambalinan ni kapehpehding etan ni bega-en ku. Medaydayaw alin peteg niya mekallispituh ali.

Mark 1:45

Nem limmaw kumedek etan tuu et tu pan-i-hel di kebebbebley humman ni impahding Jesus. Et humman hu, kaelielidda dakel ni tuu et endi inna-nu tun umlaw di edum ni bebley. Limmaw etan di endi bebley, nem limmaw ida metlaing hu dakel ni tuun nalpud kebebbebley di kad-an tu.

Matthew 9:31

Nem limmaw ida kumedek et da pan-ehelen di kebebbebley humman ni impahding nan Jesus.