Luke 18:10 - Keley-i Bible (Antipolo Ifugao)

¹⁰ Kantuy “Wada dewwan tuun an nandasal di Tempol. Ya hakey ey Pharisee, ey ya hakey ey kaman-emmung ni buwis e maheul ni tuu.

Luke 18:10 Referans Kwoze

2 Kings 20:5

“Pambangngad kad kad-an Hesekiah e ap-apuddan tuuk et ehelen mu e kammuy ‘Hi-gak ni Ap-Apu e Dios eman ni ammed mu e hi David ey dingngel ku dasal mu ey inang-ang ku lewam. Peyaggud daka et melebbah hu tellun aggew ey dammutun umlaw kad Tempol ku.

1 Kings 8:30

Em, dengel mu anhan hu dasal middan eyan tuum ditan kabunyan ni kad-am hedin kami kamandasal e inhangga mid appit eyan Tempol et liwwanem hu liwat mi.

Philippians 3:5

Tep hi-gak, ey inu-unnud kun emin hu tugun ni kau-unnudaddan Jews. Nekugittak eman ni kawelun aggew ni neiungnga-ak, niya helag tuwak Israel ni pinutuk Apu Dios ni pantu-u tu, tep helag da-ak Benjamin. Ey Pharisee hak lan nunman, et naka-u-unnud kun emin hu intugun Apu Dios nan Moses.

Acts 26:5

Inamta da kaya, nem eleg da pinhed ni e-helen hu makulug e hi-gak hu hakey ida etan ni Pharisee e nemahhig hu mika pengu-unnud ni elaw min Jews.

Acts 3:1

Hakey ni hambatenganan ey limmaw di Peter nan John ni an mandasal di Tempol, tep hambatenganan hu kapandasalin tuudman.

Luke 19:46

et kantuy “Ya neitudek ni ehel Apu Dios e kantuy ‘Ya baley ku ey kapandasali.’ Nem ay impambalin yun kapanggettangi et panekewan yun pihhuh idan kaum-alin mandasal, tep yudda kahe-ula.”

2 Kings 20:8

Kan Hesekiah ey “Hipa pengi-immatunan ku e makulug ni peyaggud tuwak nan Apu Dios, et melebbah hu tellun aggew et dammutun nak mandeyyaw di Tempol tu?”

1 Kings 10:5

Ey natnga mewan ni nenang-ang tuddan dakel ni peteg ni kennen ni kameiddaddan di baley tu, yadda kapanha-adiddan opisyal tu, ya kayyaggud ni kapehding idan kamangngunnud palasyoh tu, yadda kamengippaptek ni hamul, anin idan kayyaggud ni balwasi da, niyadda kagihheban tuka i-appit di Tempol Apu Dios, et kantud nemnem tuy ‘Nakkayyang, endi numan kei-ingngehan idan nunyan inang-ang ku!’ Ey kantun Solomon ey “Makulug hu dingngel ku meippanggep ni laing mu et yadda impahding mu!