Luke 11:28 - Keley-i Bible (Antipolo Ifugao)

²⁸ Nem kan Jesus ey “Nem nema-ma-ma amleng etan ni nangngel ni ehel Apu Dios et u-unnuden tu.”

Luke 11:28 Referans Kwoze

Luke 8:21

Nem kantun hi-gaday “Yadda tuun mengngel ni ehel Apu Dios et u-unnuden da ey hi-gada nakka ibbilang ni inak ey agik.”

Psalms 112:1

Daydayaw tayu hi Apu Dios! Kaman-am-amleng hu tuun tuka paka-u-unnuda hi Apu Dios. Em, kaman-am-amleng humman ni tuun mahlun mengu-unnud ni tugun tu.

John 13:17

Hedin inewatan yu huyyan inhel ku, ipahding yu et umamleng kayu.

Psalms 128:1

Um-amleng etan tuun kamekangngu-unnud ni tugun nan Apu Dios.

Revelation 22:14

Man-am-amleng idalli etan kamengippenahding ni kayyaggud, tep lebbeng tun meidwatan idallin biyag ni endi pappeg tu niya wada lebbeng dan mengidlan etan di eheb ni bebley.

Proverbs 8:32

Et humman hu, dengel yuwak e u-ungngak ida, tep hedin u-unnuden yu tugun ku, ey man-am-amleng kayu.

Proverbs 19:16

Ya etan tuun kamengu-unnud ni tugun Apu Dios ey ihhehwang tu annel tu. Nem ya etan tuun eleg mengu-unnud nunman ni tugun ey mepappeg biyag tu.

Revelation 1:3

Ya tuun memidbid niya mengullug idan nunyan neitudek eyad libluh ey iddawtan Apu Dios ni panyaggudan tu tep kamangkedettengi law hu keippahdingan tudda huyya.