Luke 10:19 - Keley-i Bible (Antipolo Ifugao)

¹⁹ E-helen kun hi-gayu e makulug ni indawat kun hi-gayu hu kabaelan yun mengidduppih nan Satanas e buhul tayu. Ey anin ni iggasin yudda uleg niya gayyaman et endi an meippahding ni hi-gayu.

Luke 10:19 Referans Kwoze

Psalms 91:13

Ey anin ni wada ha-kupam ni layon winu anggetakkut ni uleg di pandellanan mu, et dammutun petteyen mudda.

Mark 16:18

Anin ni tetngeden da uleg et eleg dadda kellata niya anin ni wada innumen dan kedet et eleg ida mettey. Wadalli kabaelan dan mengkal ni degeh ni tuu, anin daka kap-an ebuh.”

Romans 16:20

Et hi Apu Dios e kakelpuin linggep hu memaddang ni hi-gayu ma-lat anggegannu ey apputen yu hi Satanas. Ya nakka iddasal ey mewedda hu binabbal Apu Jesus Christo ni hi-gayu.

Acts 28:5

Nem inwakgih nan Paul etan uleg di apuy ey endi nekalat di ngamay tu.

Revelation 11:5

Hedin wada mengippatnan mengippahding ni hi-gadan lawah, man wada meukkat ni apuy di bungut da, et humman pemettey dan buhul da. Et humman hu, emin ida etan mengippatnan mengippeliggat ni hi-gada ey mettey ida.

Ezekiel 2:6

Entan takut mun hi-gada, anin ni hipa e-helen dan penattakkut dan hi-gam et heni daka hinelikuban ni mangkatedem ni hebit niya gayyaman.

Isaiah 11:8

Man-a-ayyam idalli geggellang di kad-an idan nangkegitaan ni uleg ey eleg dadda kellata.

2 Chronicles 10:11

Hedin impanligligat dakeyu lan peteg nan ama, nema-ma hu pehding kun mengipeligligat ni hi-gayu. Hedin hineplit dakeyu lan ama, ebligen dakeyun nahbitan ni eblig ni nunya.’”

Luke 11:12

Ey kaw hedin mambeggan itlug, man iddawtan yun lulluwat?